17 снежня, Мінск /Кар. БЕЛТА/. У штаб-кватэры УЕФА ў швейцарскім Ньёне прайшла жараб'ёўка першага раўнду плэй-оф футбольнай Лігі чэмпіёнаў, паведамляе карэспандэнт БЕЛТА.
Пераможца трох апошніх розыгрышаў чэмпіёнскай Лігі мадрыдскі "Рэал" у 1/8 фіналу сустрэнецца з галандскім "Аяксам" з Амстэрдама.
Склады астатніх пар:
"Атлетыка "(Мадрыд, Іспанія) - "Ювентус" (Турын, Італія),
"Шальке" (Гельзенкірхен, Германія) - "Манчэстэр Сіці" (Англія),
"Манчэстэр Юнайтэд" (Англія) - "Пары Сен-Жэрмен" (Францыя),
"Тотэнхэм" (Лондан, Англія) - "Барусія" (Дортмунд),
"Рома" (Італія) - "Порту" (Партугалія),
"Ліверпуль" (Англія) - "Баварыя" (Мюнхен, Германія),
"Ліён" (Францыя) - "Барселона" (Іспанія).
Першыя паядынкі за выхад у чвэрцьфінал адбудуцца 12-13 і 19-20 лютага, у адказ - 5-6 і 12-13 сакавіка 2019 года.
Таксама сёння ў Ньёне адбудзецца жараб'ёўка 1/16 фіналу другога па рангу кантынентальнага турніру-Лігі Еўропы. Пра свайго саперніка даведаецца чэмпіён Беларусі барысаўскі БАТЭ.-0-
