27 снежня, Астравец /Кар. БЕЛТА/. Сёння на ўзбраенне 1146-га гвардзейскага зенітнага ракетнага палка Ваенна-паветраных сіл і войскаў проціпаветранай абароны Узброеных Сіл Беларусі паступіла пятая батарэя зенітнага ракетнага комплексу "Тор-М2". Ключы ад новай зенітнай ракетнай тэхнікі асабоваму складу ўручыў міністр абароны генерал-лейтэнант Андрэй Раўкоў, перадае карэспандэнт БЕЛТА.
Прыняцце ў баявы склад палка пятай зенітнай ракетнай батарэі дасць магчымасць расшырыць баявыя магчымасці ВПС і войскаў ППА Узброеных Сіл Беларусі на паўночна-заходнім напрамку, а таксама нарасціць сістэму проціпаветранай абароны Беларускай АЭС.
"Гэты комплекс па перашкодаабароненасці, манеўранасці і мабільнасці, шматканальнасці, паражэнні малапрыкметных цэлей, спектры вышынь і скорасцей, на якіх ён можа паражаць гэтыя цэлі, з'яўляецца найбольш эфектыўным у свеце. Таму было прынята рашэнне аб яго закупцы, і мы планамерна, у адпаведнасці з планам будаўніцтва і развіцця Узброеных Сіл выконваем гэту задачу", - сказаў Андрэй Раўкоў.
Паводле яго слоў, комплекс паказвае сябе выдатна на ўсіх вучэннях. "Асабовы склад палка падрыхтаваны на высокім узроўні, мы яго абучалі ў адпаведных навучальных установах менавіта на гэты комплекс. Ужо з 1 снежня полк заступіў на баявое дзяжурства і ў поўным аб'ёме выконвае задачы аховы паветранай прасторы на паўночна-заходнім напрамку і ў рамках прыкрыцця ўчастку паветранай прасторы над Беларускай АЭС. Асабовы склад палка гатовы да выканання задач. Я ўпэўнены, што, атрымаўшы гэту тэхніку, ён павысіць сваю магутнасць і тым самым моц Узброеных Сіл Беларусі", - падкрэсліў міністр.
Андрэй Раўкоў дадаў, што ў 2019 годзе будзе праведзена чарговае вучэнне "Баявая Садружнасць" на палігоне "Ашулук". "Падраздзяленне палка, у тым ліку пятая зенітная ракетная батарэя, прыме ўдзел у вучэнні, каб папрабаваць гэтыя комплексы ў вучэбна-баявой абстаноўцы па канкрэтных цэлях", - адзначыў ён.-0-
