Валерый Равенка. Скрыншот відэа СТБ
13 кастрычніка, Мінск /Кар. БЕЛТА/. Цікавасць да Беларусі ў ваеннай галіне кратна ўзрасла. Аб гэтым заявіў начальнік Дэпартамента міжнароднага ваеннага супрацоўніцтва - памочнік міністра абароны Рэспублікі Беларусь па пытаннях міжнароднага ваеннага супрацоўніцтва Валерый Равенка ў інтэрв'ю тэлеканалу СТБ, паведамляе БЕЛТА.
"Апошнім часам цікавасць да Беларусі, у тым ліку і ў ваеннай сферы, кратна ўзрасла. Чаму? Тут, напэўна, ёсць шэраг фактараў. Першы фактар - гэта, вядома, палітыка нашай дзяржавы. Непасрэдна наш Прэзідэнт, які мае велізарны аўтарытэт на розных кантынентах, у розных дзяржавах. Яго аўтарытэт дапамагае развівацца ўсім астатнім галінам, напрамкам. І шэраг дзяржаў зацікаўлены ў развіцці адносін з намі", - сказаў Валерый Равенка.
Паводле яго слоў, Беларусь адрознівае развіты ваенна-прамысловы комплекс, мабільныя, кампактныя Узброеныя Сілы, добра падрыхтаваны афіцэрскі склад. Узрос попыт на навучанне іншаземцаў па ваенных спецыяльнасцях.
Валерый Равенка падкрэсліў, што ва Узброеныя Сілы паступаюць самыя сучасныя ўзоры ўзбраення. У якасці прыкладу ён прывёў сферу радыёэлектроннай барацьбы, дзе ўкаранёна шмат перспектыўных напрацовак, развіццё оптыкі, мадэрнізацыю тэхнікі.
"Да нас едуць, каб гэта ўсё ўбачыць, пераняць вопыт і ў той жа час паглядзець, як мы працуем на гэтай тэхніцы. Тут мы запатрабаваны, - адзначыў Валерый Равенка. - Развіццё нашых Узброеных Сіл, як наша краіна жыве, як мы рэагуем на знешнія выклікі і пагрозы - ёсць пэўная цікавасць. Таго прыклады - акрэдытацыя шэрага ваенных аташэ заходніх дзяржаў. Я не скажу, што яны нашыя сябры і прыехалі з намі абменьвацца думкамі, як лепш дружыць. Пакуль гэта не атрымліваецца ў нас. Але для падтрымання кантактаў, таго мосціка ўзаемадзеяння, скажам так, абмену інфармацыяй, зняцця напружанасці яны нам таксама патрэбны. І, адпаведна, нашы ваенныя аташэ прысутнічаюць у іх дзяржавах".
Ён дадаў, што ў бліжэйшы час у міністэрстве чакаюць акрэдытацыі прадстаўнікоў яшчэ шэрага дзяржаў, "з якімі, магчыма, пачнём працаваць, таксама развіваць адносіны ў плане абмену інфармацыяй, зніжэння напружанасці". Узаемадзеянне важна для таго, каб забяспечыць стабільнасць і бяспеку ў рэгіёне.
Са свайго боку спецыялісты Мінабароны таксама вывучаюць вопыт іншых краін, узбраенне, якое там выкарыстоўваецца. "Нашы Узброеныя Сілы прызначаны не толькі для забеспячэння абараназдольнасці нашай дзяржавы, але і ў тым ліку для падтрымання міжнароднага міру і бяспекі", - сказаў Валерый Равенка.
У якасці прыкладу ён прывёў развіццё адносін з Інданезіяй. "Гэта вельмі вопытная дзяржава ў сферы развіцця міратворчасці, падрыхтоўкі міратворчых сіл і сродкаў. Нас нядаўна наведвала дэлегацыя, мы з ёй абмяняліся вопытам, навыкамі. Яны высока ацанілі нашы Узброеныя Сілы, у прыватнасці міратворчую роту. Нам цікавы іх вопыт, нам цікава ўзаемадзеянне з імі, магчыма, у будучым пры правядзенні міратворчых аперацый", - дадаў Валерый Равенка. Развіваецца супрацоўніцтва ў ваеннай сферы і з іншымі рэгіёнамі, у тым ліку краінамі Лацінскай Амерыкі, Кубай, Кітайскай Народнай Рэспублікай.-0-
"Апошнім часам цікавасць да Беларусі, у тым ліку і ў ваеннай сферы, кратна ўзрасла. Чаму? Тут, напэўна, ёсць шэраг фактараў. Першы фактар - гэта, вядома, палітыка нашай дзяржавы. Непасрэдна наш Прэзідэнт, які мае велізарны аўтарытэт на розных кантынентах, у розных дзяржавах. Яго аўтарытэт дапамагае развівацца ўсім астатнім галінам, напрамкам. І шэраг дзяржаў зацікаўлены ў развіцці адносін з намі", - сказаў Валерый Равенка.
Паводле яго слоў, Беларусь адрознівае развіты ваенна-прамысловы комплекс, мабільныя, кампактныя Узброеныя Сілы, добра падрыхтаваны афіцэрскі склад. Узрос попыт на навучанне іншаземцаў па ваенных спецыяльнасцях.
Валерый Равенка падкрэсліў, што ва Узброеныя Сілы паступаюць самыя сучасныя ўзоры ўзбраення. У якасці прыкладу ён прывёў сферу радыёэлектроннай барацьбы, дзе ўкаранёна шмат перспектыўных напрацовак, развіццё оптыкі, мадэрнізацыю тэхнікі.
"Да нас едуць, каб гэта ўсё ўбачыць, пераняць вопыт і ў той жа час паглядзець, як мы працуем на гэтай тэхніцы. Тут мы запатрабаваны, - адзначыў Валерый Равенка. - Развіццё нашых Узброеных Сіл, як наша краіна жыве, як мы рэагуем на знешнія выклікі і пагрозы - ёсць пэўная цікавасць. Таго прыклады - акрэдытацыя шэрага ваенных аташэ заходніх дзяржаў. Я не скажу, што яны нашыя сябры і прыехалі з намі абменьвацца думкамі, як лепш дружыць. Пакуль гэта не атрымліваецца ў нас. Але для падтрымання кантактаў, таго мосціка ўзаемадзеяння, скажам так, абмену інфармацыяй, зняцця напружанасці яны нам таксама патрэбны. І, адпаведна, нашы ваенныя аташэ прысутнічаюць у іх дзяржавах".
Ён дадаў, што ў бліжэйшы час у міністэрстве чакаюць акрэдытацыі прадстаўнікоў яшчэ шэрага дзяржаў, "з якімі, магчыма, пачнём працаваць, таксама развіваць адносіны ў плане абмену інфармацыяй, зніжэння напружанасці". Узаемадзеянне важна для таго, каб забяспечыць стабільнасць і бяспеку ў рэгіёне.
Са свайго боку спецыялісты Мінабароны таксама вывучаюць вопыт іншых краін, узбраенне, якое там выкарыстоўваецца. "Нашы Узброеныя Сілы прызначаны не толькі для забеспячэння абараназдольнасці нашай дзяржавы, але і ў тым ліку для падтрымання міжнароднага міру і бяспекі", - сказаў Валерый Равенка.
У якасці прыкладу ён прывёў развіццё адносін з Інданезіяй. "Гэта вельмі вопытная дзяржава ў сферы развіцця міратворчасці, падрыхтоўкі міратворчых сіл і сродкаў. Нас нядаўна наведвала дэлегацыя, мы з ёй абмяняліся вопытам, навыкамі. Яны высока ацанілі нашы Узброеныя Сілы, у прыватнасці міратворчую роту. Нам цікавы іх вопыт, нам цікава ўзаемадзеянне з імі, магчыма, у будучым пры правядзенні міратворчых аперацый", - дадаў Валерый Равенка. Развіваецца супрацоўніцтва ў ваеннай сферы і з іншымі рэгіёнамі, у тым ліку краінамі Лацінскай Амерыкі, Кубай, Кітайскай Народнай Рэспублікай.-0-
Падпісвайцеся на нас у
