16 верасня, Мінск /Кар. БЕЛТА/. На вучэнні "Захад-2025" адпрацаваны ўсе пастаўленыя задачы. Аб гэтым заявіў начальнік Генеральнага штаба - першы намеснік міністра абароны Рэспублікі Беларусь Павел Муравейка, перадае карэспандэнт БЕЛТА.
"Вучэнне "Захад-2025" дало дастаткова шмат матэрыялаў для разважання аб характары сучасных баявых дзеянняў, аб парадку іх вядзення і аб удасканаленні падрыхтоўкі войскаў да бягучых падзей і да асаблівасцей сучаснай вайны. Мы адпрацавалі ўсе задачы, якія ставілі перад сабой. У ліку знакавых мерапрыемстваў магу адзначыць планаванне і разгляд прымянення нестратэгічнай ядзернай зброі, ацэнку і разгортванне ракетнага рухомага комплексу "Арэшнік". Мы шмат прымянялі беспілотныя лятальныя апараты ў розных варыянтах. Акрамя таго, разгледзелі цэлы комплекс гібрыдных сучасных прыёмаў, якія прымяняюцца пры вядзенні баявых дзеянняў у населеных пунктах, у лясіста-балоцістай і ўрбанізаванай мясцовасці. Нашы расійскія калегі падзяліліся з намі баявым вопытам, што дазваляе сказаць аб тым, што нашы падраздзяленні сёння атрымліваюць самую сучасную, самую дасканалую інфармацыю, якая аўтаматычна ўкараняецца ў баявую рэчаіснасць", - сказаў Павел Муравейка.
Ён таксама звярнуў увагу на тое, што яшчэ трэба будзе дэталёва прааналізаваць дзеянні кожнага аб'яднання, злучэння і воінскай часці. "Ужо адназначна магу сказаць, што мы атрымалі добрую тактычную, аператыўную і палявую вывучку войскаў. У прыватнасці, мы навучыліся змагацца з беспілотнікамі незалежна ад іх віду. Пры гэтым наша вайсковая ППА філігранна адпрацавала і збіла ўсе паветраныя цэлі, якія ёй назначаліся для паражэння. Таксама мы актыўна вывучалі формы і спосабы дзеянняў пры штурме населеных пунктаў, зачыстцы мясцовасці, захопленай незаконнымі ўзброенымі фарміраваннямі і дыверсійна-разведвальнымі групамі, выкарыстоўваючы самыя сучасныя сродкі перамяшчэння: матацыклы, багі, розныя рабатызаваныя сістэмы, якія дазвалялі дастаўляць снайпераў і стралкоў у раён вядзення баявых дзеянняў і забяспечваць матэрыяльна-тэхнічнае забеспячэнне нашых падраздзяленняў", - адзначыў начальнік Генеральнага штаба.
Акрамя таго, актыўна прымяняліся сродкі радыёэлектроннай барацьбы. "Наш абаронна-прамысловы комплекс сёння вырабляе самыя сучасныя сродкі, якія пастаўлены на ўзбраенне ў беларускую армію. Гэта дазваляе нам аснашчацца па апошнім слове тэхнікі", - падкрэсліў першы намеснік міністра абароны.
Павел Муравейка адзначыў, што нашы ваеннаслужачыя атрымалі бясцэнны вопыт сумесных дзеянняў з калегамі з Расійскай Федэрацыі. "Акрамя таго, я лічу, што мы дасягнулі даволі добрых вынікаў у контрбатарэйнай барацьбе. Сёння нашы ракетныя войскі і артылерыя валодаюць тымі сродкамі, якія выяўляюць, вызначаюць і аператыўна выдаюць каардынаты батарэй праціўніка для таго, каб весці з імі эфектыўную барацьбу", - сказаў ён.
Начальнік Генштаба падкрэсліў, што яшчэ дастаткова шмат рэчаў давядзецца прааналізаваць і зразумець. "Нашы салдаты і афіцэры навучыліся актыўна выкарыстоўваць інфраструктуру, складкі мясцовасці, яны актыўна маскіруюцца, рыхтуюць і ствараюць такія элементы, якія дазваляюць выжываць у сучасных ваенных канфліктах. Гэта і ёсць галоўны вынік вучэння", - рэзюмаваў Павел Муравейка.-0-
"Вучэнне "Захад-2025" дало дастаткова шмат матэрыялаў для разважання аб характары сучасных баявых дзеянняў, аб парадку іх вядзення і аб удасканаленні падрыхтоўкі войскаў да бягучых падзей і да асаблівасцей сучаснай вайны. Мы адпрацавалі ўсе задачы, якія ставілі перад сабой. У ліку знакавых мерапрыемстваў магу адзначыць планаванне і разгляд прымянення нестратэгічнай ядзернай зброі, ацэнку і разгортванне ракетнага рухомага комплексу "Арэшнік". Мы шмат прымянялі беспілотныя лятальныя апараты ў розных варыянтах. Акрамя таго, разгледзелі цэлы комплекс гібрыдных сучасных прыёмаў, якія прымяняюцца пры вядзенні баявых дзеянняў у населеных пунктах, у лясіста-балоцістай і ўрбанізаванай мясцовасці. Нашы расійскія калегі падзяліліся з намі баявым вопытам, што дазваляе сказаць аб тым, што нашы падраздзяленні сёння атрымліваюць самую сучасную, самую дасканалую інфармацыю, якая аўтаматычна ўкараняецца ў баявую рэчаіснасць", - сказаў Павел Муравейка.
Ён таксама звярнуў увагу на тое, што яшчэ трэба будзе дэталёва прааналізаваць дзеянні кожнага аб'яднання, злучэння і воінскай часці. "Ужо адназначна магу сказаць, што мы атрымалі добрую тактычную, аператыўную і палявую вывучку войскаў. У прыватнасці, мы навучыліся змагацца з беспілотнікамі незалежна ад іх віду. Пры гэтым наша вайсковая ППА філігранна адпрацавала і збіла ўсе паветраныя цэлі, якія ёй назначаліся для паражэння. Таксама мы актыўна вывучалі формы і спосабы дзеянняў пры штурме населеных пунктаў, зачыстцы мясцовасці, захопленай незаконнымі ўзброенымі фарміраваннямі і дыверсійна-разведвальнымі групамі, выкарыстоўваючы самыя сучасныя сродкі перамяшчэння: матацыклы, багі, розныя рабатызаваныя сістэмы, якія дазвалялі дастаўляць снайпераў і стралкоў у раён вядзення баявых дзеянняў і забяспечваць матэрыяльна-тэхнічнае забеспячэнне нашых падраздзяленняў", - адзначыў начальнік Генеральнага штаба.
Акрамя таго, актыўна прымяняліся сродкі радыёэлектроннай барацьбы. "Наш абаронна-прамысловы комплекс сёння вырабляе самыя сучасныя сродкі, якія пастаўлены на ўзбраенне ў беларускую армію. Гэта дазваляе нам аснашчацца па апошнім слове тэхнікі", - падкрэсліў першы намеснік міністра абароны.
Павел Муравейка адзначыў, што нашы ваеннаслужачыя атрымалі бясцэнны вопыт сумесных дзеянняў з калегамі з Расійскай Федэрацыі. "Акрамя таго, я лічу, што мы дасягнулі даволі добрых вынікаў у контрбатарэйнай барацьбе. Сёння нашы ракетныя войскі і артылерыя валодаюць тымі сродкамі, якія выяўляюць, вызначаюць і аператыўна выдаюць каардынаты батарэй праціўніка для таго, каб весці з імі эфектыўную барацьбу", - сказаў ён.
Начальнік Генштаба падкрэсліў, што яшчэ дастаткова шмат рэчаў давядзецца прааналізаваць і зразумець. "Нашы салдаты і афіцэры навучыліся актыўна выкарыстоўваць інфраструктуру, складкі мясцовасці, яны актыўна маскіруюцца, рыхтуюць і ствараюць такія элементы, якія дазваляюць выжываць у сучасных ваенных канфліктах. Гэта і ёсць галоўны вынік вучэння", - рэзюмаваў Павел Муравейка.-0-
Падпісвайцеся на нас у
