ДЗЯРЖОРГАНЫДЗЯРЖОРГАНЫ
Флаг Чацвер, 6 кастрычніка 2022
Мінск 0°C
Усе навіны
Усе навіны
Культура
29 лістапада 2021, 09:02

Выстава ў наваполацкім музеі адновіць савецкую гасціную напярэдадні Новага года

Фота з архіва
Фота з архіва

29 лістапада, Віцебск /Кар. БЕЛТА/. Музей гісторыі і культуры Наваполацка 1 снежня прадставіць навагоднюю выставу "Стары Новы год", экспазіцыя якой складаецца з фондаў музея, паведамілі карэспандэнту БЕЛТА ва ўстанове.

Выстава акуне дарослых і дзяцей у атмасферу савецкай гасцінай напярэдадні Новага года. У экспазіцыі больш за 150 прадметаў побыту, святочная ёлка, навагоднія ёлачныя цацкі 1960-1980-х гадоў, калекцыя старых навагодніх паштовак і іншая атрыбутыка. На выставе таксама будзе фотазона, дзе кожны зможа зрабіць фатаграфію ў савецкім інтэр'еры.

"Адным са свят, якія аб'ядноўваюць кожнага з нас, быў і застаецца Новы год. Але акрамя традыцыйнага Новага года існуе і Стары Новы год, што прыходзіць у ноч з 13 на 14 студзеня. Традыцыя адзначаць два святы ў нашай краіне ўзнікла ў СССР, а пасля яго распаду прадаўжае існаваць на постсавецкай прасторы", - дадалі ў музеі. Наведаць выставу можна будзе да 15 студзеня 2022 года.

Акрамя таго, музей арганізаваў гарадскі конкурс "Навагодні цуд", удзельнікам прапануюць зрабіць ёлачныя цацкі. Конкурс праходзіць у трох намінацыях: "Зімовая казка", "Беларускія традыцыі" і "Прыз глядацкіх сімпатый". Прыём работ ажыццяўляецца да 22 снежня па адрасе музея: Наваполацк, вул.Маладзёжная, 45/3.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі