ДЗЯРЖОРГАНЫДЗЯРЖОРГАНЫ
Флаг Субота, 22 студзеня 2022
Мінск -5°C
Усе навіны
Усе навіны
Культура
26 лістапада 2021, 16:56

Сірэнка: на конкурс "Мост дружбы" падаваліся сур'ёзныя творы з глыбокім унутраным зместам

26 лістапада, Мінск /Кар. БЕЛТА/. На конкурс падаваліся сур'ёзныя творы з глыбокім унутраным зместам. Аб гэтым сёння журналістам заявіў намеснік Дзяржаўнага сакратара - член Пастаяннага камітэта Саюзнай дзяржавы Віктар Сірэнка падчас цырымоніі ўзнагароджвання пераможцаў конкурсу маладых літаратараў Саюзнай дзяржавы "Мост дружбы", перадае карэспандэнт БЕЛТА.

"Былі даволі сур'ёзныя правілы адбору. На конкурс падаваліся сур'ёзныя творы з глыбокім унутраным зместам. Важна, што ёсць удумлівасць і цікавасць з боку пісьменнікаў, - адзначыў Віктар Сірэнка. - У журы ўдзельнічалі два саюзы пісьменнікаў з Беларусі і Расіі, і гэта тыя людзі, якія ўсё жыццё прысвяцілі гэтай справе, таму іх ацэнка дастаткова высокая і значная. Мы сёння гаворым пра юных прафесіяналаў, якія ўступаюць у гэты літаратурны свет і спрабуюць пяро".

Да ўдзелу ў конкурсе запрашаліся маладыя беларускія і расійскія аўтары ва ўзросце 18-30 гадоў з празаічнымі творамі малой літаратурнай формы - апавяданне, нарыс, эсэ.

Паводле слоў арганізатараў, на конкурс было пададзена больш за 100 заявак, з якіх паступіла амаль 80 аўтарскіх твораў з больш як 30 розных рэгіёнаў дзвюх краін. Пасля папярэдняга адбору на разгляд экспертнага савета былі прадстаўлены 45 работ маладых канкурсантаў. З іх толькі 10 сталі лаўрэатамі.

Пераможцы з беларускага боку: Паліна Кучук, Раман Казлоўскі, Юлія Макарэвіч, Сяргей Кавалёў і Максім Сямёнаў. Лаўрэаты з Расіі: Аліна Асокіна, Лізавета Сафіуліна, Кацярына Багданава, Ефрасіння Капусціна, Ганна Самкова.

"Нягледзячы на выклікі вострага грамадска-палітычнага этапу ў нашай гісторыі, нягледзячы на ўсе тыя перашкоды, якія стварае пандэмія каранавіруса, новая літаратурная спадчына Саюзнай дзяржавы ствараецца рукамі маладых літаратараў, - падкрэсліў падчас цырымоніі адкрыцця старшыня Беларускага саюза журналістаў Андрэй Крывашэеў. - Дзякуючы такім конкурсам мы сапраўды ствараем масты ў літаратуры, культуры, мастацтве, а ў многім нават і ў журналістыцы. Бо ў конкурсе ўзнімаліся кароткія празаічныя формы, такія блізкія да таго, чым сёння жыве сучасная публіцыстыка і журналістыка".

Заснавальнікам конкурсу выступае Пастаянны камітэт Саюзнай дзяржавы пры падтрымцы Інстытута сусветнай літаратуры імя Горкага РАН, саюзы пісьменнікаў дзвюх краін, а таксама Нацыянальны прэс-цэнтр Рэспублікі Беларусь.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі