17 верасня, Мінск /Кар. БЕЛТА/. Беларусам важна аб'ядноўвацца ў імя сваіх жа дзяцей, дзеля стабільнасці і развіцця эканомікі, культуры, адукацыі, адзначыла старшыня Беларускай партыі "Белая Русь" Вольга Чамаданава ў час Форуму патрыятычных сіл Беларусі ў Палацы спорту, перадае карэспандэнт БЕЛТА.
Паводле яе слоў, 17 верасня - гістарычная дата, якая звяла разам народ, аб'яднала агульную культуру, агульны дом, уз'яднала Заходнюю Беларусь з Беларускай СССР. Але галоўнае - гэта свята павагі і памяці продкаў, клопату адзін пра аднаго, адказнасці за будучыню сваёй краіны.
"Васіль Корж, Сяргей Прытыцкі, Вера Харужая, Максім Танк. Гэты спіс можна прадаўжаць доўга. Мы памятаем і шануем тых, хто змагаўся за сваю зямлю і культуру. Мы памятаем аб тых выпрабаваннях і горычы страт, якія перажылі нашы сем'і. Мы ніколі не забудзем імёны, каб не паўтарыць памылак мінулага. Памяць - арыенцір", - сказала Вольга Чамаданава.
Яна заклікала памятаць аб каштоўнасцях, якія аб'ядноўваюць: мова, традыцыі, працавітасць, зямля, Радзіма.
Старшыня Беларускай партыі "Белая Русь" адзначыла, што напярэдадні Дня народнага адзінства мемарыяльную зону былога канцлагера Бяроза-Картузская прапанавана аб'явіць усебеларускім месцам памяці ахвяр польскай акупацыі. Гэта канцлагер, дзе з 1934 па 1939 год падвяргаліся катаванням і пакутам тысячы палонных. Галоўнай задачай польскага рэжыму было давесці людзей да крайняга псіхалагічнага і фізічнага стану, сцерці як асобу, каб яны адчувалі сябе непатрэбнымі, бязмоўнымі і, самае галоўнае, не маглі ў той момант удзельнічаць ні ў якой палітычнай барацьбе. "Гэта чалавечае гора, якое немагчыма выкрасліць з памяці нашых людзей", - падкрэсліла яна.
Вольга Чамаданава ўпэўнена, што адзінства не нараджаецца само па сабе, яно будуецца на даверы, на сумленных размовах, на разуменні адзін аднаго. "І сёння, калі ўсё мяняецца, вакол шмат выклікаў і пагроз, настаў час аб'ядноўвацца. Не па прымушэнні, а па выбары. У імя спакою нашых дзяцей. Дзеля стабільнасці і развіцця эканомікі, культуры, адукацыі, - падкрэсліла яна. - І кожны з вас можа гэта зрабіць праз свае маленькія ўчынкі, якія ператвараюцца ў вялікую сілу. І гэта сіла - ціхая, штодзённая, настойлівая - робіць нашу краіну непахіснай".
Старшыня Беларускай партыі "Белая Русь" сказала на заканчэнне: "Няхай адзінства будзе не святам у календары, а жывой сілай, якая павядзе нас наперад".-0-
Паводле яе слоў, 17 верасня - гістарычная дата, якая звяла разам народ, аб'яднала агульную культуру, агульны дом, уз'яднала Заходнюю Беларусь з Беларускай СССР. Але галоўнае - гэта свята павагі і памяці продкаў, клопату адзін пра аднаго, адказнасці за будучыню сваёй краіны.
"Васіль Корж, Сяргей Прытыцкі, Вера Харужая, Максім Танк. Гэты спіс можна прадаўжаць доўга. Мы памятаем і шануем тых, хто змагаўся за сваю зямлю і культуру. Мы памятаем аб тых выпрабаваннях і горычы страт, якія перажылі нашы сем'і. Мы ніколі не забудзем імёны, каб не паўтарыць памылак мінулага. Памяць - арыенцір", - сказала Вольга Чамаданава.
Яна заклікала памятаць аб каштоўнасцях, якія аб'ядноўваюць: мова, традыцыі, працавітасць, зямля, Радзіма.
Старшыня Беларускай партыі "Белая Русь" адзначыла, што напярэдадні Дня народнага адзінства мемарыяльную зону былога канцлагера Бяроза-Картузская прапанавана аб'явіць усебеларускім месцам памяці ахвяр польскай акупацыі. Гэта канцлагер, дзе з 1934 па 1939 год падвяргаліся катаванням і пакутам тысячы палонных. Галоўнай задачай польскага рэжыму было давесці людзей да крайняга псіхалагічнага і фізічнага стану, сцерці як асобу, каб яны адчувалі сябе непатрэбнымі, бязмоўнымі і, самае галоўнае, не маглі ў той момант удзельнічаць ні ў якой палітычнай барацьбе. "Гэта чалавечае гора, якое немагчыма выкрасліць з памяці нашых людзей", - падкрэсліла яна.
Вольга Чамаданава ўпэўнена, што адзінства не нараджаецца само па сабе, яно будуецца на даверы, на сумленных размовах, на разуменні адзін аднаго. "І сёння, калі ўсё мяняецца, вакол шмат выклікаў і пагроз, настаў час аб'ядноўвацца. Не па прымушэнні, а па выбары. У імя спакою нашых дзяцей. Дзеля стабільнасці і развіцця эканомікі, культуры, адукацыі, - падкрэсліла яна. - І кожны з вас можа гэта зрабіць праз свае маленькія ўчынкі, якія ператвараюцца ў вялікую сілу. І гэта сіла - ціхая, штодзённая, настойлівая - робіць нашу краіну непахіснай".
Старшыня Беларускай партыі "Белая Русь" сказала на заканчэнне: "Няхай адзінства будзе не святам у календары, а жывой сілай, якая павядзе нас наперад".-0-
Падпісвайцеся на нас у
