Аграрыі Беларусі намалацілі звыш 8,8 млн тон збожжа 

3 верасня, Мінск /Кар. БЕЛТА/. Аграрыі Беларусі намалацілі звыш 8,8 млн т збожжа, паведамілі БЕЛТА ў прэс-службе Мінсельгасхарча. 

"На 3 верасня з палёў краіны намалочана 8 млн 824 тыс. т збожжа разам з рапсам", - праінфармавалі ў ведамстве. 

Уклад у агульны каравай кожнай вобласці: Віцебская - 925 тыс. т, Гомельская - 1040 тыс. т, Магілёўская - 1219 тыс. т, Брэсцкая - 1674 тыс. т, Гродзенская - 1735 тыс. т, Мінская - 2230 тыс. т. 

Збожжавыя і зернебабовыя культуры без кукурузы ўбраны з 96 працэнтаў плошчаў, што складае 2322 тыс. га. Сярэдняя ўраджайнасць збожжа вышэйшая за мінулагоднюю на 8,4 ц/га. 

Харчовага збожжа пастаўлена ў лік дзяржзаказу 644 тыс. т - 92 працэнты ад плана. 

Пасеяна азімых збожжавых на зерне на плошчы 27 тыс. га - 2 працэнты запланаванага. Выцераблена лёну на 47 тыс. га, што складае 97 працэнтаў ад запланаваных плошчаў. 

Цукровыя буракі ўбраны з 7 працэнтаў плошчаў, што складае 7 тыс. га. Кукуруза на сілас і зялёны корм убрана з 4 працэнтаў плошчаў, што складае 34 тыс. га. 

Нарыхтавана сена 430 тыс. т (60 працэнтаў плана), сенажу - 12 млн 863 тыс. т (92 працэнты плана), у тым ліку ў палімернай упакоўцы 431 тыс. т. Травяных кармоў нарыхтавана 4 млн 125 тыс. т (41 працэнт плана). 

Бульбы ў краіне накапана ўжо больш за 65 тыс. т. Сярэдняя ўраджайнасць вышэйшая за мінулагоднюю на 64,6 ц/га.-0-