Футбалістам мінскага "Дынама" сталі вядомы сапернікі ў Лізе канферэнцый
 

30 жніўня, Мінск /Кар. БЕЛТА/. У штаб-кватэры УЕФА ў швейцарскім Ньёне адбылася жараб'ёўка асноўнага этапу Лігі канферэнцый, у якім выступіць мінскае "Дынама", паведамляе карэспандэнт БЕЛТА.

У першым туры 3 кастрычніка падапечныя Вадзіма Скрыпчанкі сустрэнуцца з дацкім "Капенгагенам".

Расклад астатніх паядынкаў чэмпіёнаў Беларусі:

24 кастрычніка
"Легія" (Варшава, Польшча) - "Дынама",

7 лістапада
ХІК (Хельсінкі, Фінляндыя) - "Дынама",

28 лістапада
"Дынама" - "Хартс" (Эдынбург, Шатландыя),

12 снежня
"Панацінаікос" (Афіны, Грэцыя) -  "Дынама",

19 снежня
"Дынама" - "Ларн" (Паўночная Ірландыя).

Па выніках першага этапу, у якім прымуць удзел 36 каманд, восем лепшых клубаў непасрэдна выйдуць у 1/8 фіналу. Каманды, якія зоймуць 9-24-я месцы, згуляюць у стыкавым раўндзе і вызначаць яшчэ восем удзельнікаў 1/8 фіналу. Далей турнір пойдзе па звычайнай сістэме на выбыванне. Стыкавыя сустрэчы адбудуцца 13 і 20 лютага 2025 года, матчы 1/8 фіналу пройдуць 6 і 13 сакавіка, чвэрцьфіналы намечаны на 10 і 17 красавіка, паўфіналы - на 1 і 8 мая. Фінальны паядынак трэцяга па рангу кантынентальнага клубнага турніру адбудзецца 28 мая ў польскім Вроцлаве.

Ліга канферэнцый з'яўляецца самым маладым турнірам Старога Свету - цяперашні розыгрыш толькі чацвёрты па ліку. Першым пераможцам у 2022 годзе стала італьянская "Рома", потым выйграў англійскі "Вест Хэм" з Лондана, а ў мінулым сезоне трыумфатарам стаў грэчаскі "Алімпіякос" з горада Пірэй.-0-