4 лютага, Масква /БЕЛТА - ТАСС/. Новыя правілы правозу наяўных грашовых сродкаў праз граніцу ўступілі ў сілу ў краінах Еўразійскага эканамічнага саюза (ЕАЭС) з 4 лютага. Аб гэтым гаворыцца ў паведамленні на сайце Федэральнай мытнай службы (ФМС) Расіі.
Фізічная асоба пры перамяшчэнні праз мытную граніцу саюза наяўных грашовых сродкаў і (або) грашовых інструментаў, сума якіх перавышае $100 тыс., павінна не толькі дэклараваць гэтыя сродкі, але і прадастаўляць дакументы, што пацвярджаюць іх паходжанне.
У прыватнасці, размова ідзе аб банкаўскіх дакументах аб зняцці грашовых сродкаў з рахунку, правядзенні канверсійных аперацый, атрыманні крэдытаў, а таксама аб дакументах, што пацвярджаюць ажыццяўленне грамадзянска-прававых здзелак, такіх, як атрыманне ў спадчыну або дарэнне.
Калі такіх дакументаў няма, перамяшчэнне праз мытную граніцу ЕАЭС грошай і (або) грашовых інструментаў не дапускаецца.-0-
