Маладзёжная зборная Беларусі па хакеі з перамогі стартавала на дамашнім Кубку Будучыні

4 лютага, Мінск /Кар. БЕЛТА/. На сталічнай "Чыжоўка-Арэне" пачаўся традыцыйны міжнародны турнір па хакеі з удзелам лепшых маладых ігракоў з дзвюх краін Кубак Будучыні, паведамляе карэспандэнт БЕЛТА.

У матчы адкрыцця турніру сышліся каманды Беларусі-U20 і Расіі-U17. Стартавая трэць завяршылася з мінімальнай перавагай гасцей, але ў другім перыядзе нашы хлопцы не толькі зраўнавалі лічбы, але і выйшлі наперад - 2:1. Аўтарамі галоў сталі Арцём Капусцін і Багдан Белкін. У трэцім адрэзку гульні расіяне адыграліся і перавялі сустрэчу ў авертайм, дзе пераможца вызначаны не быў. Серыя булітаў расцягнулася на 20 раўндаў, усё вырашыў дакладны кідок Ільі Лахнова. У выніку вікторыя нашай каманды з лікам 3:2.

Паядынак юніёрскіх (U18) зборных Беларусі і Расіі стартуе ў 20.10. Пераможца Кубка Будучыні вызначыцца ў фармаце кругавога турніру. 6 лютага паміж сабой згуляюць абедзве гаспадарскія каманды, таксама ў пятніцу адбудзецца сустрэча расійскіх хакеістаў. У суботу пройдуць матчы Беларусь-U18 - Расія-U17 і Беларусь-U20 - Расія-U18.

Заўтра ўдзельнікі спаборніцтваў вызначаць прызёраў у фармаце 3х3. Тры папярэднія розыгрышы Кубка Будучыні ў Мінску выйграла маладзёжная зборная Беларусі.-0-