4 лютага, Магілёў /Кар. БЕЛТА/. Старшыня Магілёўскага аблвыканкама Анатоль Ісачанка па выніках даклада Прэзідэнту аб сітуацыі ў аграпрамысловым комплексе рэгіёна расказаў журналістам, якія меры былі прыняты ў сувязі з моцнымі маразамі, у чым прычына падзяжу БРЖ і як загружаны перапрацоўчыя прадпрыемствы, перадае карэспандэнт БЕЛТА.
Як адзначыў Анатоль Ісачанка, сярод асноўных пытанняў былі тэма зімоўкі жывёлы, праблемы і недапрацоўкі. Так, пытанні кармлення жывёлы ў рэгіёне вырашаны. "У цэлым, забеспячэнне травяністымі кармамі, камбікормам ажыццяўляецца ў поўным аб'ёме. Нашы вытворчыя магутнасці загружаны на 100 працэнтаў, нават крыху больш, працуем у некалькі змен. Вытворчыя ўчасткі сельгаспрадпрыемстваў таксама загружаны цалкам", - сказаў ён.
Паводле слоў старшыні аблвыканкама, за мінулы год на прадпрыемствах было выраблена каля 200 тыс. т камбікорму. Выбудавана супрацоўніцтва з БНБК, Шклоўскім камбікормавым заводам, ААТ "Комсенічы" і іншымі гаспадаркамі. У якасці прыкладу названа ААТ "Агракамбінат "Зара", дзе камбікорм вырабляюць самастойна. "Такім чынам, у комплексе праблема па вобласці вырашана", - падагульніў Анатоль Ісачанка.
У сувязі з моцнымі маразамі ў рэгіёне таксама прынялі шэраг неабходных мер для захаванасці пагалоўя жывёлы: павялічылі рацыён, цялят перавялі ў памяшканні. Аднак у рэгіёне вырас падзеж БРЖ. Гэта праблема закранула ўсе раёны, аднак у трох адзначаецца найбольшая колькасць загінулых жывёл у працэнтных суадносінах - гэта Шклоўскі, Глускі і Бабруйскі.
Кіраўнік рэгіёна канстатаваў, што фіксуецца істотны рост падзяжу да ўзроўню мінулага года. "І гэта не звязана з марозам. Гэта проста элементарнае невыкананне тэхналогій і безгаспадарчасць. Для таго, каб гэта ўстараніць, створаны мабільныя групы, якія працуюць непасрэдна на месцах", - адзначыў ён.
Такія групы выязджаюць у гаспадаркі, аказваюць розную дапамогу: ад пытанняў выканання тэхналогій да, напрыклад, павелічэння аб'ёмаў камбікорму, калі ёсць такая неабходнасць. "Акрамя таго, у гаспадарках арганізаваны дзяжурствы па начах: людзі таксама выязджаюць, глядзяць, як працуе вартавая ахова. Гэта значыць, рэсурс задзейнічаны", - падкрэсліў Анатоль Ісачанка.
Таксама ў час даклада былі агучаны пытанні загрузкі магутнасцей перапрацоўчых прадпрыемстваў рэгіёна. І тут адзначаецца паляпшэнне сітуацыі. Паводле яго слоў, прадпрыемствы загружаны практычна на 90 працэнтаў па мясе - гэта значыць уся жывёла ідзе на дзяржаўныя прадпрыемствы, якія перапрацоўваюць прадукцыю, а затым рэалізуюць.
Акрамя таго, працуе сістэма спажыўкааперацыі, куды пастаўляецца жывёла. "Плюс перапрацоўчыя прадпрыемствы саміх гаспадарак, дзе яны сертыфікаваны, вырабляюць прадукцыю і прадаюць. Напрыклад, "Александрыя", "Зара" і іншыя", - адзначыў Анатоль Ісачанка.-0-
Як адзначыў Анатоль Ісачанка, сярод асноўных пытанняў былі тэма зімоўкі жывёлы, праблемы і недапрацоўкі. Так, пытанні кармлення жывёлы ў рэгіёне вырашаны. "У цэлым, забеспячэнне травяністымі кармамі, камбікормам ажыццяўляецца ў поўным аб'ёме. Нашы вытворчыя магутнасці загружаны на 100 працэнтаў, нават крыху больш, працуем у некалькі змен. Вытворчыя ўчасткі сельгаспрадпрыемстваў таксама загружаны цалкам", - сказаў ён.
Паводле слоў старшыні аблвыканкама, за мінулы год на прадпрыемствах было выраблена каля 200 тыс. т камбікорму. Выбудавана супрацоўніцтва з БНБК, Шклоўскім камбікормавым заводам, ААТ "Комсенічы" і іншымі гаспадаркамі. У якасці прыкладу названа ААТ "Агракамбінат "Зара", дзе камбікорм вырабляюць самастойна. "Такім чынам, у комплексе праблема па вобласці вырашана", - падагульніў Анатоль Ісачанка.
У сувязі з моцнымі маразамі ў рэгіёне таксама прынялі шэраг неабходных мер для захаванасці пагалоўя жывёлы: павялічылі рацыён, цялят перавялі ў памяшканні. Аднак у рэгіёне вырас падзеж БРЖ. Гэта праблема закранула ўсе раёны, аднак у трох адзначаецца найбольшая колькасць загінулых жывёл у працэнтных суадносінах - гэта Шклоўскі, Глускі і Бабруйскі.
Кіраўнік рэгіёна канстатаваў, што фіксуецца істотны рост падзяжу да ўзроўню мінулага года. "І гэта не звязана з марозам. Гэта проста элементарнае невыкананне тэхналогій і безгаспадарчасць. Для таго, каб гэта ўстараніць, створаны мабільныя групы, якія працуюць непасрэдна на месцах", - адзначыў ён.
Такія групы выязджаюць у гаспадаркі, аказваюць розную дапамогу: ад пытанняў выканання тэхналогій да, напрыклад, павелічэння аб'ёмаў камбікорму, калі ёсць такая неабходнасць. "Акрамя таго, у гаспадарках арганізаваны дзяжурствы па начах: людзі таксама выязджаюць, глядзяць, як працуе вартавая ахова. Гэта значыць, рэсурс задзейнічаны", - падкрэсліў Анатоль Ісачанка.
Таксама ў час даклада былі агучаны пытанні загрузкі магутнасцей перапрацоўчых прадпрыемстваў рэгіёна. І тут адзначаецца паляпшэнне сітуацыі. Паводле яго слоў, прадпрыемствы загружаны практычна на 90 працэнтаў па мясе - гэта значыць уся жывёла ідзе на дзяржаўныя прадпрыемствы, якія перапрацоўваюць прадукцыю, а затым рэалізуюць.
Акрамя таго, працуе сістэма спажыўкааперацыі, куды пастаўляецца жывёла. "Плюс перапрацоўчыя прадпрыемствы саміх гаспадарак, дзе яны сертыфікаваны, вырабляюць прадукцыю і прадаюць. Напрыклад, "Александрыя", "Зара" і іншыя", - адзначыў Анатоль Ісачанка.-0-
Падпісвайцеся на нас у
