4 лютага, Мінск /Кар. БЕЛТА/. Прэзідэнт Беларусі Аляксандр Лукашэнка раніцай 4 лютага заслухаў даклад міністра па надзвычайных сітуацыях (НС) Вадзіма Сіняўскага аб сітуацыі ў краіне на фоне ўзмацнення маразоў і аб рэагаванні на НС у сувязі з існуючымі ўмовамі надвор'я. Аб гэтым БЕЛТА паведамілі ў прэс-службе беларускага лідара.
Кіраўніка дзяржавы ў першую чаргу цікавіла работа сістэм цепла- і водазабеспячэння, перш за ўсё жылля, аб'ектаў эканомікі і сельскай гаспадаркі. Адна з галоўных задач - забеспячэнне аператыўнага ўстаранення наступстваў у выпадку НС. Прэзідэнт звярнуў увагу на каардынуючую ролю МНС сярод дзяржорганаў у гэтым працэсе.
Як далажыў міністр па надзвычайных сітуацыях, усе пытанні, звязаныя з устараненнем наступстваў аварый на аб'ектах цеплазабеспячэння па краіне, вырашаны. На ўстараненне аварый патрабавалася, як правіла, не больш як суткі (за выключэннем пашкоджання цеплатрасы ў Мінску).
Акрамя таго, была аператыўна адноўлена падача электрычнасці на ўсіх аб'ектах у населеных пунктах, дзе фіксаваліся аварыйныя адключэнні (больш за 900 выпадкаў).
Асобная ўвага надавалася забеспячэнню пажарнай бяспекі з акцэнтам на прафілактыцы гібелі людзей. Кіраўніку дзяржавы было даложана аб павелічэнні колькасці загінулых пры пажарах, чаму садзейнічалі і складаныя ўмовы надвор'я.
Як далажыў Вадзім Сіняўскі, усе службы МНС пераведзены на асаблівыя ўмовы функцыянавання, праводзяцца рэгулярныя праверкі гатоўнасці тэхнікі і асабовага складу, дыспетчарскіх службаў.-0-
Падпісвайцеся на нас у
