Фота з архіва
4 лютага, Мінск /Кар. БЕЛТА/. Меры рэагавання на паводкавую сітуацыю ў краіне распрацаваны. Аб гэтым расказаў, адказваючы на пытанні журналістаў, міністр па надзвычайных сітуацыях Вадзім Сіняўскі па выніках даклада кіраўніку дзяржавы, паведамляе карэспандэнт БЕЛТА.
"У лютым мы плануем чарговае пасяджэнне камісіі па надзвычайных сітуацыях пры Савеце Міністраў. Адно з пытанняў - бяспека паводкавай сітуацыі, якая можа быць у выніку раставання снегу. Работа адносна гэтага вялася загадзя. Задачы ўсім дзяржаўным органам, эксплуатацыйным арганізацыям па неабходнасці прывядзення ў належны стан усіх запорных устройстваў, дамбаў і інжынерных збудаванняў былі пастаўлены", - паведаміў міністр.
Ён падкрэсліў, што гэтыя пытанні неабходна будзе кантраляваць на ранняй стадыі, у тым ліку сітуацыю на аб'ектах, на вадаёмах. "Мы будзем забяспечваць маніторынг і аператыўна прымаць неабходныя рашэнні", - рэзюмаваў міністр.-0-
Падпісвайцеся на нас у
