20 лютага, Мінск /Кар. БЕЛТА/. Беларусь чакае два танкеры нафты з перавалкай у Літве, пацвердзілі БЕЛТА ў прэс-службе канцэрна "Белнафтахім".
"Наконт танкераў інфармацыю пацвярджаем, дэталі будуць удакладнены пазней", - паведамілі ў канцэрне.
Раней інфармацыйнае агенцтва BNS са спасылкай на Літоўскую чыгунку паведаміла, што ў Клайпеду ў сакавіку прыйдуць яшчэ два грузы нафты для Беларусі. Два танкеры даставяць па 85 тыс. т нафты.
У студзені праз Клайпедскі порт Беларусь атрымала 86 тыс. т нарвежскай нафты гатунку Johan Sverdrup для перапрацоўкі ў ААТ "Нафтан". Гэты гатунак здабываецца на нарвежскім кантынентальным шэльфе ў прамысловых маштабах з чацвёртага квартала 2019 года.
Генеральны дырэктар ААТ "Нафтан" Аляксандр Дзямідаў адзначаў, што далейшыя перспектывы перапрацоўкі нафты Johan Sverdrup будуць залежаць ад вынікаў перапрацоўкі першай партыі. "На наш погляд, гэта нядрэнны гатунак. Важны і той аспект, што набываецца сыравіна без пасрэднікаў, у адной з кампаній, якая ўдзельнічае ў праекце па здабычы нафты на нарвежскім шэльфе. Да таго ж у нас склаліся добрыя адносіны з пастаўшчыкамі", - сказаў Аляксандр Дзямідаў.-0-
