4 кастрычніка, Мінск /Кар. БЕЛТА/. Былы кіраўнік МЗС Японіі Фуміа Кісіда выбраны сотым прэм'ер-міністрам краіны, паведамляе BBC.
На мінулым тыдні 64-гадовы Фуміа Кісіда выйграў гонку за права стаць наступным прэм'ер-міністрам Японіі, узначаліўшы Ліберальна-дэмакратычную партыю (ЛДП). 4 кастрычніка японскі парламент большасцю галасоў зацвердзіў яго на пасадзе прэм'ера.
Фуміа Кісіда змяніў на гэтай пасадзе Ёсіхідэ Сугу, які вырашыў пайсці ў адстаўку ўсяго праз год знаходжання на пасадзе з-за рэзкага падзення рэйтынгаў правячай Ліберальна-дэмакратычнай партыі, якое звязваюць з няўдачнай барацьбой з пандэміяй.
Адна з першачарговых задач новага, сотага прэм'ер-міністра - прывесці ЛДП да перамогі на ўсеагульных выбарах, якія павінны прайсці ў Японіі да канца лістапада. Папулярнасць партыі ўпала з-за рашэння правесці Алімпійскія гульні ў Токіа, супраць чаго пратэставалі жыхары краіны, паколькі ў Японіі расла колькасць заражэнняў каранавірусам.
Як паведамляюць РІА Навіны, у сувязі з назначэннем Фуміа Кісіды на пасаду прэм'ер-міністра Японіі сёння таксама быў аб'яўлены склад новага ўрада краіны. 13 з 19 міністраў атрымаюць міністэрскія партфелі ўпершыню.-0-
