Фота з архіва
6 снежня, Мінск /Кар. БЕЛТА/. Якія віды страхавання лідзіруюць на рынку Беларусі, расказаў у інтэрв'ю БЕЛТА начальнік галоўнага ўпраўлення страхавога нагляду Міністэрства фінансаў Беларусі Сяргей Асенка.
У Беларусі дзейнічаюць тры асноўныя формы страхавання: абавязковая, добраахвотная і ўведзеная нядаўна часовая, што з'яўляецца абавязковай умовай для займання пэўнымі відамі прадпрымальніцкай дзейнасці. Лінейка прадуктаў шырокая - ад страхавання ад няшчасных выпадкаў і "аўтаграмадзянкі" да спецыяльных прапаноў для юрыдычных асоб.
"Найбольш масавыя віды абавязковага страхавання - страхаванне будынкаў, якое ахоплівае больш за мільён аб'ектаў, і страхаванне грамадзянскай адказнасці ўладальнікаў транспартных сродкаў, па якім штогод заключаецца больш як 5 мільёнаў дагавораў", - расказаў Сяргей Асенка.
Акрамя таго, страхавыя кампаніі прапануюць 20 відаў добраахвотнага страхавання, якія адносяцца да страхавання жыцця, і больш за 160 іншых праграм. Сярод самых запатрабаваных па суме страхавых узносаў - страхаванне наземных транспартных сродкаў (27 працэнтаў агульнай сумы), страхаванне медыцынскіх расходаў (20 працэнтаў), страхаванне жыцця (8 працэнтаў), страхаванне дадатковай пенсіі (5 працэнтаў), страхаванне дадатковай накапляльнай пенсіі (4 працэнты).
Нараўне з традыцыйнымі прадуктамі з'яўляюцца новыя, якія даюць магчымасць засцерагчы сябе ад розных здарэнняў. Напрыклад, страхаванне інтэлектуальнай уласнасці, на выпадак страты права ўласнасці, страты работы, страхаванне рызык трымальнікаў банкаўскіх картак, электронных кашалькоў або рызык паляўнічых.-0-
У Беларусі дзейнічаюць тры асноўныя формы страхавання: абавязковая, добраахвотная і ўведзеная нядаўна часовая, што з'яўляецца абавязковай умовай для займання пэўнымі відамі прадпрымальніцкай дзейнасці. Лінейка прадуктаў шырокая - ад страхавання ад няшчасных выпадкаў і "аўтаграмадзянкі" да спецыяльных прапаноў для юрыдычных асоб.
"Найбольш масавыя віды абавязковага страхавання - страхаванне будынкаў, якое ахоплівае больш за мільён аб'ектаў, і страхаванне грамадзянскай адказнасці ўладальнікаў транспартных сродкаў, па якім штогод заключаецца больш як 5 мільёнаў дагавораў", - расказаў Сяргей Асенка.
Акрамя таго, страхавыя кампаніі прапануюць 20 відаў добраахвотнага страхавання, якія адносяцца да страхавання жыцця, і больш за 160 іншых праграм. Сярод самых запатрабаваных па суме страхавых узносаў - страхаванне наземных транспартных сродкаў (27 працэнтаў агульнай сумы), страхаванне медыцынскіх расходаў (20 працэнтаў), страхаванне жыцця (8 працэнтаў), страхаванне дадатковай пенсіі (5 працэнтаў), страхаванне дадатковай накапляльнай пенсіі (4 працэнты).
Нараўне з традыцыйнымі прадуктамі з'яўляюцца новыя, якія даюць магчымасць засцерагчы сябе ад розных здарэнняў. Напрыклад, страхаванне інтэлектуальнай уласнасці, на выпадак страты права ўласнасці, страты работы, страхаванне рызык трымальнікаў банкаўскіх картак, электронных кашалькоў або рызык паляўнічых.-0-
Падпісвайцеся на нас у
