9 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка згадзіўся даць інтэрв'ю амерыканскаму тэлеканалу CNN, прадстаўніца якога прысутнічае сёння на "Вялікай размове з Прэзідэнтам", перадае карэспандэнт БЕЛТА.
"Я не выключаю гэтага. Пры адной умове: калі вы дасце ўсё, што я скажу, не выразаючы, не дабаўляючы, - сказаў кіраўнік дзяржавы. - Вось на гэтых умовах дамовіцеся з прэс-сакратаром".
Аляксандр Лукашэнка таксама прапанаваў журналістам CNN, якія нядаўна выпусцілі фэйкавы сюжэт аб існаванні пад Мінскам лагера для палітзняволеных, пабываць у гэтым раёне і паглядзець, што там знаходзіцца на самай справе. А размяшчаецца там звычайная воінская часць, з якой амерыканскія журналісты чамусьці зрабілі месца пазбаўлення волі. Фэйк быў развянчаны ў эфіры беларускіх тэлеканалаў.-0-
