17 мая, Шуша /Кар. БЕЛТА/. Прэзідэнт Беларусі Аляксандр Лукашэнка ў час наведвання адраджаемых тэрыторый Азербайджана падарыў гораду Шуша беларускую трактарную тэхніку, перадае карэспандэнт БЕЛТА.
Аляксандр Лукашэнка наведаў горад разам з азербайджанскім калегам Ільхамам Аліевым.
"Карыстайся. Спадабаецца - дабавім яшчэ", - сказаў кіраўнік беларускай дзяржавы.
У савецкія гады Шуша ўваходзіла ў склад Нагорна-Карабахскай аўтаномнай вобласці Азербайджанскай ССР, а пасля распаду Савецкага Саюза кантралявалася непрызнанай Нагорна-Карабахскай Рэспублікай. У лістападзе 2020 года Азербайджан аднавіў кантроль над горадам, што было замацавана трохбаковай заявай Азербайджана, Арменіі і Расіі.
Цяпер у Шушы праводзяцца аднаўленчыя работы, будуецца жыллё для вяртання азербайджанскіх бежанцаў.-0-
