Сцяг Аўторак, 18 чэрвеня 2024
Усе навіны
Усе навіны
Прэзідэнт
17 мая 2024, 09:14

Лукашэнка павіншаваў Прэзідэнта Казахстана Касым-Жамарта Такаева з днём нараджэння

17 мая, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Казахстана Касым-Жамарта Такаева з днём нараджэння. Аб гэтым БЕЛТА паведамілі ў прэс-службе беларускага лідара.

"Пераканаўчым сведчаннем высокага аўтарытэту прэзідэнцкай улады ў Казахстане з'яўляецца ўсеагульная падтрымка праводзімага Вамі курсу на ажыццяўленне маштабных палітычных і эканамічных рэформ, - гаворыцца ў віншаванні. - Вашы патрыятызм, глыбокая павага да бясцэннай гістарычнай і культурнай спадчыны сваёй шматнацыянальнай краіны, цвёрдае адстойванне яе інтарэсаў на міжнароднай арэне набылі заслужанае прызнанне народа".

Кіраўнік дзяржавы выказаў упэўненасць, што традыцыйна адкрытыя і дружалюбныя сустрэчы з казахстанскім лідарам будуць напаўняцца новым канструктыўным зместам, садзейнічаць далейшаму паступальнаму развіццю двухбаковых адносін у духу стратэгічнага партнёрства на карысць Беларусі і Казахстана.

Аляксандр Лукашэнка пажадаў Касым-Жамарту Такаеву здароўя, невычэрпных жыццёвых сіл і дасягнення намечаных мэт у адказнай дзяржаўнай дзейнасці.-0-
Падпісвайцеся на нас у
Twitter
Топ-навіны
Свежыя навіны Беларусі