30 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка арыентуе на развіццё эфектыўнай вытворчасці, дзе важна захоўваць баланс паміж рэальнай прадукцыйнасцю і памерам заработнай платы. Аб гэтым ён заявіў у час наведвання ААТ "Планар", перадае карэспандэнт БЕЛТА.
Прэзідэнт запэўніў, што з боку дзяржавы заўсёды будзе забяспечана падтрымка такім перадавым вытворчасцям, як, напрыклад, на "Планары". "Мы стварылі, уклаўшы грошы, і будзем гэта рабіць. Але мы бачым, што літаральна два-тры гады - і вы гэтыя грошы лёгка вернеце і будзеце вырабляць прадукт з высокай дабаўленай вартасцю, з прыбыткам", - растлумачыў ён.
Пры такім узроўні развіцця прадпрыемствы могуць забяспечыць і добрыя фінансава-эканамічныя паказчыкі, і дастойны ўзровень працы і зарплаты супрацоўнікам, якія, дарэчы, не супраць працаваць у некалькі змен і ў выхадныя дні. "І я не чуў, каб з "Планара" нехта "ціктокаўся", што іх прымушаюць працаваць. Гэта вялікая справа, - заўважыў Прэзідэнт. - Але заўсёды грошай бывае мала. І вам таксама, напэўна, мала. Гэта таксама добра. Значыць, будзеце імкнуцца зарабіць больш".
"Ведайце адно: "дармаплаты" ў Беларусі не будзе", - папярэдзіў кіраўнік дзяржавы. Такога падыходу, паводле яго слоў, цяпер у краіне прытрымліваюцца ў дачыненні да ўсіх прадпрыемстваў або арганізацый. Адзін з нядаўніх прыкладаў - Віцебская вобласць, дзе была нарада ў Прэзідэнта, на якой некаторыя разлічвалі атрымаць падтрымку ад дзяржавы.
"Лішніх грошай няма. А калі ёсць, то толькі на справу", - абазначыў прынцыповы падыход Аляксандр Лукашэнка.-0-
Падпісвайцеся на нас у
