Спектакль-канцэрт "Успомнім усіх пайменна…" прайшоў у Беларускім дзяржаўным акадэмічным тэатры юнага гледача 7 мая. Напярэдадні Дня Перамогі артысты расказалі са сцэны асабістыя сямейныя гісторыі пра сапраўдныя подзвігі сваіх родных. А 100-годдзе з дня нараджэння пісьменніка Віктара Астаф'ева падказала стваральнікам пастаноўкі ўзяць як лейтматыў яго твор з гісторыяй кахання дзяўчыны-санітаркі і байца ў медсанбаце. На здымку: у час спектакля-канцэрта.
