ДЗЯРЖОРГАНЫДЗЯРЖОРГАНЫ
Панядзелак, 1 чэрвеня 2020
Мінск Суцэльная воблачнасць +11°C
Усе навіны
Усе навіны
Меркаванні
19 лютага 2020, 15:48
Вольга Чупрыс

Неабходна ўзмацніць прававую абарону настаўніка

Вольга Чупрыс
Вольга Чупрыс
Намеснік кіраўніка Адміністрацыі Прэзідэнта Рэспублікі Беларусь

Грамадству неабходна ўдзяліць увагу не проста сацыяльным і эканамічным гарантыям, але і прававой абароне настаўніка. Такое меркаванне выказала журналістам у час наведвання Ваўкавыскага каледжа УА "Гродзенскі дзяржаўны ўніверсітэт імя Я. Купалы" намеснік кіраўніка Адміністрацыі Прэзідэнта Вольга Чупрыс, перадае карэспандэнт БЕЛТА.

Вольга Чупрыс азнаёмілася з работай навучальнай установы, дзе ў асноўным рыхтуюць будучых педагогаў, сустрэлася і паразмаўляла з калектывам.

Яна падкрэсліла, што ў краіне ўдзяляецца павышаная ўвага педагагічным пытанням у цэлым - ад удасканалення навучальных праграм да стварэння камфортнага псіхалагічнага клімату ў калектывах. У аснове таксама пытанні сацыяльнай абароны педагогаў, заработнай платы.

"Важна гаварыць сёння і пра абарону настаўніка прававымі сродкамі. Апошнім часам адбываецца нямала падзей негатыўнага характару, калі вучні спрабуюць уздзейнічаць на педагога, а часам і абражаюць яго. Грамадству неабходна стаць на абарону настаўніка", - адзначыла Вольга Чупрыс. Яна звярнула ўвагу на вопыт іншых краін. Напрыклад, у Казахстане ўведзена адміністрацыйная адказнасць за абразу настаўніка пры выкананні ім прафесійных абавязкаў.

"Мы прыгледзеліся да гэтага вопыту і таксама плануем увесці такую норму ў Кодэкс аб адміністрацыйных правапарушэннях, каб абараніць настаўніка. Гэта чалавек, з якім кожны з нас ідзе па жыцці і ад якога шмат у чым залежыць, як складзецца наш далейшы лёс", - адзначыла Вольга Чупрыс.

Сустрэча з калектывам праходзіла ў фармаце дыялогу. Настаўнікаў цікавілі пытанні прафесійнай дзейнасці, развіцця сістэмы адукацыі ў цэлым, будучага Кодэкса аб адукацыі, заработнай платы бюджэтнікаў і многае іншае. Важна, што ўсе жадаючыя атрымалі магчымасць выказаць свае прапановы па хвалюючых іх пытаннях.

Акрамя сустрэчы з калектывам каледжа ў Ваўкавыску Вольга Чупрыс таксама правяла асабісты прыём грамадзян у Бераставіцкім раёне і пазапланава азнаёмілася з сітуацыяй па рабоце з насельніцтвам у Слонімскім раёне.

Топ-навіны
З НАМІ НАЙБОЛЬШ ЦІКАВА
Свежыя навіны Беларусі