Іван Вежнавец. Фота з архіва
23 верасня, Мінск /Кар. БЕЛТА/. Укараненне арганізацыямі элементаў лічбавага развіцця акупляецца з лішкам. Такім меркаваннем падзяліўся з журналістамі першы намеснік міністра эканомікі Беларусі Іван Вежнавец на палях Беларускага прамыслова-інавацыйнага форуму ў Мінску, перадае карэспандэнт БЕЛТА.
Унікальнасць форуму ў тым, што ў ім сканцэнтраваны ключавыя тэмы, якія знаходзяцца цяпер на парадку дня, лічыць Іван Вежнавец. "Гэта ў першую чаргу лічбавая трансфармацыя прамысловасці. Важны момант у рабоце любога прамысловага прадпрыемства - выбудоўванне правільных бізнес-працэсаў і элементаў лічбавай трансфармацыі. Яны маюць прэваліруючае значэнне ў сучасным свеце", - упэўнены ён.
Гаворачы аб лічбавай трансфармацыі на прадпрыемствах, ён падкрэсліў, што гэта капіталаёмкая сфера і не ўсе гатовы на бягучы момант укладваць у яе грошы. "Але, як паказвае практыка, тыя арганізацыі, якія ўкаранілі элементы лічбавага развіцця, акупілі свае ўкладзеныя сродкі з лішкам. Паколькі гэта і аптымізацыя бізнес-працэсаў, і новыя напрамкі, якія ўкараняюцца ў менеджменце, - растлумачыў першы намеснік міністра эканомікі. - Таксама немалаважнымі з'яўляюцца элементы ўкаранення штучнага інтэлекту ў вытворчую дзейнасць. Выбудоўванне бізнес-ланцужкоў, апрацоўка вялікіх даных і інфармацыі без аўтаматызаванага рэжыму і сістэм машыннага навучання, кіруемых праз штучны інтэлект, у сучасных рэаліях немагчыма".
Старшыня Вышэйшага каардынацыйнага савета Саюза юрыдычных асоб "Рэспубліканская канфедэрацыя прадпрымальніцтва" Андрэй Капыток адзначыў, што ў форуме прымае ўдзел больш за 103 кампаніі, адна трэць - з Расіі, чатыры кампаніі - з КНР. Ён упэўнены, што форум паслужыць платформай для дэманстрацыі інавацый, устанаўлення дзелавых кантактаў і запуску сумесных праектаў.
Гандлёвы прадстаўнік Расіі ў Беларусі Юрый Залатароў звярнуў увагу на тое, што Расія і Беларусь ужо на працягу доўгага часу з'яўляюцца найбольш блізкімі стратэгічнымі партнёрамі ў пытаннях палітыкі, эканомікі, бяспекі і культуры. Адносна аднолькавы ўзровень навукова-вытворчага развіцця, гістарычна сфарміраваныя адносіны паміж краінамі, блізкасць менталітэтаў, падабенства нарматыўнай прававой базы вызначылі цесны характар супрацоўніцтва. "Расія і Беларусь на гэты момант з'яўляюцца не толькі найбольш актыўнымі членамі Еўразійскага эканамічнага саюза, але і ўпэўнена ідуць па шляху паглыблення кааперацыйных, інтэграцыйных працэсаў у такім унікальным фармаце, якім з'яўляецца Саюзная дзяржава. Сёння мы адкрылі Беларускі прамыслова-інавацыйны форум, а на наступным тыдні будзе "ІНАПРАМ". Беларусь". Гэта расійская і беларуская сумесная гісторыя", - падкрэсліў Юрый Залатароў.
Беларускі прамыслова-інавацыйны форум праходзіць з 1997 года і набыў аўтарытэт міжнароднага агляду дасягненняў у галіне перадавых тэхналогій.-0-
Унікальнасць форуму ў тым, што ў ім сканцэнтраваны ключавыя тэмы, якія знаходзяцца цяпер на парадку дня, лічыць Іван Вежнавец. "Гэта ў першую чаргу лічбавая трансфармацыя прамысловасці. Важны момант у рабоце любога прамысловага прадпрыемства - выбудоўванне правільных бізнес-працэсаў і элементаў лічбавай трансфармацыі. Яны маюць прэваліруючае значэнне ў сучасным свеце", - упэўнены ён.
Гаворачы аб лічбавай трансфармацыі на прадпрыемствах, ён падкрэсліў, што гэта капіталаёмкая сфера і не ўсе гатовы на бягучы момант укладваць у яе грошы. "Але, як паказвае практыка, тыя арганізацыі, якія ўкаранілі элементы лічбавага развіцця, акупілі свае ўкладзеныя сродкі з лішкам. Паколькі гэта і аптымізацыя бізнес-працэсаў, і новыя напрамкі, якія ўкараняюцца ў менеджменце, - растлумачыў першы намеснік міністра эканомікі. - Таксама немалаважнымі з'яўляюцца элементы ўкаранення штучнага інтэлекту ў вытворчую дзейнасць. Выбудоўванне бізнес-ланцужкоў, апрацоўка вялікіх даных і інфармацыі без аўтаматызаванага рэжыму і сістэм машыннага навучання, кіруемых праз штучны інтэлект, у сучасных рэаліях немагчыма".
Старшыня Вышэйшага каардынацыйнага савета Саюза юрыдычных асоб "Рэспубліканская канфедэрацыя прадпрымальніцтва" Андрэй Капыток адзначыў, што ў форуме прымае ўдзел больш за 103 кампаніі, адна трэць - з Расіі, чатыры кампаніі - з КНР. Ён упэўнены, што форум паслужыць платформай для дэманстрацыі інавацый, устанаўлення дзелавых кантактаў і запуску сумесных праектаў.
Гандлёвы прадстаўнік Расіі ў Беларусі Юрый Залатароў звярнуў увагу на тое, што Расія і Беларусь ужо на працягу доўгага часу з'яўляюцца найбольш блізкімі стратэгічнымі партнёрамі ў пытаннях палітыкі, эканомікі, бяспекі і культуры. Адносна аднолькавы ўзровень навукова-вытворчага развіцця, гістарычна сфарміраваныя адносіны паміж краінамі, блізкасць менталітэтаў, падабенства нарматыўнай прававой базы вызначылі цесны характар супрацоўніцтва. "Расія і Беларусь на гэты момант з'яўляюцца не толькі найбольш актыўнымі членамі Еўразійскага эканамічнага саюза, але і ўпэўнена ідуць па шляху паглыблення кааперацыйных, інтэграцыйных працэсаў у такім унікальным фармаце, якім з'яўляецца Саюзная дзяржава. Сёння мы адкрылі Беларускі прамыслова-інавацыйны форум, а на наступным тыдні будзе "ІНАПРАМ". Беларусь". Гэта расійская і беларуская сумесная гісторыя", - падкрэсліў Юрый Залатароў.
Беларускі прамыслова-інавацыйны форум праходзіць з 1997 года і набыў аўтарытэт міжнароднага агляду дасягненняў у галіне перадавых тэхналогій.-0-
Падпісвайцеся на нас у
