Фота з архіва
4 студзеня, Мінск /Кар. БЕЛТА/. Новы генеральны дырэктар Беларускай атамнай электрастанцыі Сяргей Бабовіч, адказваючы на пытанні журналістаў, расказаў аб асноўных задачах на кіруючай пасадзе, перадае карэспандэнт БЕЛТА.
"Я лічу, што гэта вельмі ганаровае назначэнне для мяне. Асноўная задача, якая сёння стаіць, - каб наша станцыя, самая сучасная і маладая ў свеце, заставалася заўсёды на ўзроўні і самай перадавой", - сказаў ён.
Пры гэтым Сяргей Бабовіч перакананы, што тэхналогіі вырашаюць далёка не ўсё. "Усё вырашаюць людзі. Таму асноўная задача - каб персанал знаходзіўся заўсёды на належным узроўні, заўсёды сачыў за тым, што адбываецца ў свеце, - змяненнямі, мадыфікацыямі", - дадаў гендырэктар. У гэтым сэнсе ён асабліва адзначыў садзейнічанне расійскага боку, карпарацыі "Расатам". "Нам вельмі зручна, бо няма моўных бар'ераў. Вельмі цесныя мы маем стасункі, мы ў іх вучымся, яны вельмі часта ў нас бываюць, рыхтуюць персанал, кансультуюць. Я лічу, што ў нас вельмі ўдалы праект і мы будзем рухацца толькі наперад", - рэзюмаваў ён.-0-
"Я лічу, што гэта вельмі ганаровае назначэнне для мяне. Асноўная задача, якая сёння стаіць, - каб наша станцыя, самая сучасная і маладая ў свеце, заставалася заўсёды на ўзроўні і самай перадавой", - сказаў ён.
Пры гэтым Сяргей Бабовіч перакананы, што тэхналогіі вырашаюць далёка не ўсё. "Усё вырашаюць людзі. Таму асноўная задача - каб персанал знаходзіўся заўсёды на належным узроўні, заўсёды сачыў за тым, што адбываецца ў свеце, - змяненнямі, мадыфікацыямі", - дадаў гендырэктар. У гэтым сэнсе ён асабліва адзначыў садзейнічанне расійскага боку, карпарацыі "Расатам". "Нам вельмі зручна, бо няма моўных бар'ераў. Вельмі цесныя мы маем стасункі, мы ў іх вучымся, яны вельмі часта ў нас бываюць, рыхтуюць персанал, кансультуюць. Я лічу, што ў нас вельмі ўдалы праект і мы будзем рухацца толькі наперад", - рэзюмаваў ён.-0-
