9 студзеня, Мінск /Кар. БЕЛТА/. Беларусь і Саудаўская Аравія створаць каардынуючую структуру па садзейнічанні ўзаемнаму гандлю. Аб гэтым БЕЛТА паведамілі ў Нацыянальным цэнтры маркетынгу.
У рамках дзелавога візіту ў Саудаўскую Аравію дырэктарам Нацыянальнага цэнтра маркетынгу Мікалаем Барысевічам праведзены шэраг плённых сустрэч з мясцовымі структурамі падтрымкі знешняга гандлю, адзначылі ў НЦМ. У прыватнасці, адбыліся перагаворы з кіраўнікамі Упраўлення па развіцці экспарту Саудаўскай Аравіі, Федэрацыі гандлёва-прамысловых палат Саудаўскай Аравіі, Гандлёва-прамысловай палаты Эр-Рыяда.
Па выніках сустрэч падпісаны мемарандум аб узаемаразуменні паміж Нацыянальным цэнтрам маркетынгу і Федэрацыяй гандлёва-прамысловых палат.
Дасягнуты дамоўленасці аб структураванні дзелавых кантактаў у канкрэтных галінах, стварэнні каардынуючай структуры па садзейнічанні ўзаемнаму гандлю.
Асобная ўвага ўдзелена абмену маркетынгавай інфармацыяй і інфармацыяй аб выстаўках, а таксама правядзенню шэрага сумесных мерапрыемстваў, якія стымулююць двухбаковы гандаль, рэзюмавалі ў цэнтры.-0-
