Васілеўская перадала Лукашэнку Дзяржаўны сцяг Беларусі, які пабываў на МКС

12 мая, Мінск /Кар. БЕЛТА/. Першы касманаўт суверэннай Беларусі Марына Васілеўская перадала Прэзідэнту Беларусі Аляксандру Лукашэнку Дзяржаўны сцяг краіны, які пабываў на Міжнароднай касмічнай станцыі. Цырымонія адбылася ў час урачыстага рытуалу ўшаноўвання дзяржаўных сімвалаў на плошчы Дзяржаўнага сцяга ў Мінску, перадае карэспандэнт БЕЛТА.

Марына Васілеўская разам з прадстаўнікамі моладзі вымавіла клятву вернасці дзяржаўным сімвалам. Пасля чаго ваеннаслужачыя роты ганаровай варты перадалі ёй Дзяржаўны сцяг, а Марына Васілеўская перадала яго Прэзідэнту. Гэты дзяржаўны сімвал зойме ганаровае месца ў Палацы Незалежнасці.

Сцяг, які быў перададзены, - той самы, які ў 2024 годзе дзякуючы першай беларускай жанчыне-касманаўту пабываў на МКС, замацаваўшы статус Беларусі як касмічнай дзяржавы.

У размове з журналістамі Марына Васілеўская расказала, што ў гэты святочны дзень яе перапаўняюць пачуцці шчасця, радасці і гонару за Беларусь - незалежную, мірную, дружную краіну. "Калі з космасу бачыш сваю радзіму, разумееш, наколькі ты яе любіш і шануеш, - падкрэсліла яна. - Свята дзяржаўных сцяга, герба і гімна адлюстроўвае патрыятычныя, гістарычныя, культурныя каштоўнасці нашай краіны. Сімвалічна, што наш Дзяржаўны сцяг абляцеў Зямлю, зрабіўшы 224 віткі. Я з гонарам раскрыла яго над тэрыторыяй Беларусі і хачу сёння павіншаваць усіх беларусаў са святам!"-0-