Сцяг Пятніца, 21 чэрвеня 2024
Усе навіны
Усе навіны
Грамадства
11 мая 2024, 11:43

Як амерыканскія СМІ фарміруюць грамадскую думку ў Польшчы, расказаў Томаш Шміт 

11 мая, Мінск /Кар. БЕЛТА/. Вялікую ролю ў фарміраванні грамадскай думкі палякаў адыгрываюць амерыканскія сродкі масавай інфармацыі. Аб гэтым у праекце "У тэме" на YouTube-канале БЕЛТА заявіў польскі дысідэнт, суддзя Томаш Шміт.

Паводле слоў Томаша Шміта, многія простыя палякі не падзяляюць палітыку афіцыйнай Варшавы, але не могуць гаварыць аб гэтым публічна. Тых жа, хто выказваецца за неабходнасць будаваць нармальныя адносіны з Беларуссю і Расіяй, пачынаюць правяраць спецыяльныя службы Агенцтва ўнутранай бяспекі. "Гэтыя службы абапіраюцца не толькі на рэальныя факты. Часта яны фабрыкуюць справы або прымушаюць людзей гаварыць аб тым, што ім трэба пачуць", - расказаў Томаш Шміт.

Польскі суддзя таксама выказаў думку, што палітыка правячай у Польшчы эліты негатыўна ўплывае на эканамічны стан саміх палякаў. "Гэта не датычыцца ўлад. Яны будуць і далей займаць пасады ў Еўрапарламенце або Сейме. Але радавыя палякі з гэтым не згодны", - падкрэсліў Томаш Шміт.

Вялікую ролю ў фарміраванні грамадскай думкі адыгрываюць СМІ, якія ў большасці сваёй з’яўляюцца амерыканскімі, звярнуў увагу суддзя: "Калі ўзяць тэлеканал TVN, ён з’яўляецца канцэрнам Discovery. А Discovery- гэта ўжо, у сваю чаргу, даччынае прадпрыемства больш глабальнай сеткі".

Томаш Шміт растлумачыў, што ў Злучаных Штатах буйнымі СМІ кіруюць былыя дзеячы спецслужбаў. Такім чынам палітыкі ЗША рэалізуюць свае інтарэсы, у тым ліку за межамі краіны. "Гэта шырокая прапагандысцкая палітыка для рэалізацыі амерыканскіх інтарэсаў. І большасць СМІ ў руках амерыканцаў. Там, у ЗША, спецслужбы і медыя цесна супрацоўнічаюць", - заявіў ён.

У той жа час, дадаў Томаш Шміт, старонкі расійскіх і беларускіх сродкаў масавай інфармацыі заблакіраваны ў Польшчы. "Адзіная магчымасць атрымаць інфармацыю з гэтых СМІ - пачытаць Telegram-каналы БЕЛТА, РІА, ТАСС, расійскіх і беларускіх блогераў. Такім чынам, можна скласці меркаванне, што адбываецца на самай справе", - растлумачыў польскі суддзя.

Томаш Шміт - суддзя 2-га аддзялення ваяводскага адміністрацыйнага суда Варшавы. Раней займаў розныя пасады ў судовай сістэме і органах юстыцыі Польшчы. З’яўляўся кіраўніком юрыдычнага аддзела ў Нацыянальным савеце суддзяў Польшчы.

З-за нязгоды з палітыкай і дзеяннямі ўлад вымушана пакінуў Польшчу і цяпер знаходзіцца ў Беларусі. Яму пагражалі і праследавалі за самастойную палітычную пазіцыю.-0- 
Падпісвайцеся на нас у
Twitter
Топ-навіны
Свежыя навіны Беларусі