26 лютага, Мінск /Кар. БЕЛТА/. Беларусь і Польшча ў сакавіку правядуць перагаворы наконт дазволаў на грузаперавозкі. Такое рашэнне прынята ў час сустрэчы міністра транспарту і камунікацый Беларусі Аляксея Аўраменкі з міністрам інфраструктуры Польшчы Анджэем Адамчыкам, паведамілі БЕЛТА ў прэс-службе Мінтранса.
Бакі разгледзелі пытанне выдзялення дазволаў на міжнародныя перавозкі аўтамабільным транспартам. "У ходзе бурных абмеркаванняў пытання дазвольнай сістэмы прынята рашэнне аб правядзенні ў сакавіку бягучага года пасяджэння змешанай камісіі на ўзроўні намеснікаў міністраў, дзе будуць прыняты канчатковыя рашэнні", - адзначылі ў прэс-службе.
Таксама абмяркоўвалася будаўніцтва новага чыгуначнага моста цераз Заходні Буг на чыгуначным участку пагранічнага пераходу Брэст-Цярэспаль. Польскі бок праінфармаваў аб існуючай магчымасці фінансавання будаўніцтва са сродкаў фондаў Еўрапейскага саюза. Беларускі бок падтрымаў схему фінансавання і праінфармаваў, што гэта пытанне неабходна разгледзець у час запланаванай рабочай сустрэчы кіраўнікоў чыгуначных ведамстваў у бліжэйшы час.
У парадку дня было і аднаўленне грузавых зносін праз беларуска-польскі чыгуначны пагранічны пераход Высока-Літоўск/Чаромха. У бліжэйшы час гэта пытанне будзе вынесена на ўзровень прэм'ер-міністра Польшчы.
Акрамя таго, разглядалася пытанне рэалізацыі міжурадавага пагаднення наконт будаўніцтва аўтадарожнага моста цераз Заходні Буг на пагранічным аўтадарожным пераходзе Дамачава-Славацічы. Бакі дамовіліся правесці рабочую сустрэчу ў сакавіку і абмеркаваць усе тэхнічныя рашэнні. Адзначана неабходнасць сумеснага аналізу стану інфраструктуры на беларуска-польскай граніцы для вызначэння далейшых планаў супрацоўніцтва.
Аляксей Аўраменка ў час візіту ў Польшчу таксама абмеркаваў з міністрам транспарту і камунікацый Літвы Яраславам Наркевічам актуальныя пытанні двухбаковага супрацоўніцтва ў транспартнай сферы. Бакі дамовіліся правесці рабочую сустрэчу ў Вільнюсе ў бліжэйшы час.
Акрамя таго, міністр выступіў на канферэнцыі "Еўропа Карпат" на секцыі "Павелічэнне доступу на тэрыторыі Трымор'я - пераадоленне інфраструктурных перашкод". Ён адзначыў, што сёння развіццё таварных і турыстычных рынкаў ставіць перад транспартнікамі свету новыя задачы па павышэнні якасці паслуг і зніжэнні затрат на перамяшчэнне таварнай прадукцыі. Для вырашэння гэтых задач Беларусь актыўна ўзаемадзейнічае з многімі краінамі і іх супольнасцямі, напрыклад, удзельнічае ў праграмах трансгранічнага супрацоўніцтва "Польшча-Беларусь-Украіна" і "Латвія-Літва-Беларусь" і дыскусіях у рабочых групах "Усходняга партнёрства".-0-
