30 студзеня, Мінск /Кар. БЕЛТА/. У Беларускім дзяржаўным музеі гісторыі Вялікай Айчыннай вайны 31 студзеня адкрыецца часовая выстава "Мастакі пра вайну", аснову якой складуць 25 палотнаў са збору музея, паведамілі БЕЛТА ў аддзеле музейных камунікацый установы.
Тэма Вялікай Айчыннай вайны прайшла чырвонай ніткай праз творчасць многіх вядомых беларускіх мастакоў, і перш за ўсё праз творчасць яе ўдзельнікаў. Некаторыя з іх ваявалі ў радах Чырвонай Арміі, іншыя змагаліся ў партызанскіх атрадах на акупіраванай беларускай зямлі. Усё, што яны ўбачылі і перажылі, стала штуршком для стварэння праўдзівых твораў, якія і цяпер хвалююць сучаснае пакаленне.
Дапоўняць экспазіцыю фатаграфіі, дакументы і асабістыя рэчы ваеннага і пасляваеннага перыяду, якія належалі мастакам, чые творы прадстаўлены ў першай частцы часовай экспазіцыі.
Мэта выставы - праз мастацтва жывапісу далучыцца да гераічных падзей Вялікай Айчыннай вайны, асэнсаваць подзвіг народа і абудзіць у сучаснікаў адказнасць за беражлівае захаванне памяці аб подзвігах старэйшых пакаленняў.
Выстава "Мастакі аб вайне" прадоўжыцца да 15 сакавіка 2023 года.-0-
