24 мая, Мінск /Кар. БЕЛТА/. Улады Бранскай вобласці прадоўжылі на 15 сутак дзеянне высокага (жоўтага) узроўню тэрарыстычнай небяспекі, паведамляе ТАСС са спасылкай на прэс-службу ўрада рэгіёна.
Такім чынам, высокі ўзровень тэрарыстычнай небяспекі будзе дзейнічаць да 7 чэрвеня.
Адзначаецца, што гэта рашэнне было прынята ў сувязі з існуючай пагрозай учынення тэракта і ў мэтах недапушчэння яго.
Высокі ўзровень тэрарыстычнай небяспекі ў Бранскай вобласці быў уведзены з 11 па 25 красавіка, пасля чаго мясцовыя ўлады прадоўжылі яго па 9 мая, пазней - па 24 мая.-0-