Георгій Гурцыеў. Фота з архіва
13 мая, Мінск /Кар. БЕЛТА/. Беларускі спартсмен Георгій Гурцыеў атрымаў перамогу на чэмпіянаце Еўропы па тхэквандо 2026 года, які праходзіць у нямецкім Мюнхене, паведамляе карэспандэнт БЕЛТА.
Прадстаўнік Беларусі стаў лепшым у вагавой катэгорыі да 58 кілаграмаў. У першым баі Гурцыеў справіўся з партугальцам Ціягу Лопешам, у наступным крузе выбіў з барацьбы харвата Ёсіпа Цескеру, а ў паўфінале быў мацнейшым за Энеса Каплана з Турцыі. У паядынку за золата Георгій у двух раўндах перамог Абдэррахмана Туяра з Італіі (16:13, 20:18).
У мінулым годзе ўдзельнік парыжскай Алімпіяды Гурцыеў быў другім на чэмпіянаце свету і трэцім на чэмпіянаце Еўропы, таксама ў актыве Георгія ёсць сярэбраны медаль планетарнага форуму 2023 года. Раней бронзавым прызёрам першынства кантынента-2026 у Мюнхене стаў наш Арцём Плоніс (звыш 87 кг).
Заўтра на чэмпіянаце Еўропы ў Германіі выступяць трое беларускіх спартсменаў, у заключны дзень спаборніцтваў 14 мая паядынкі правядуць чацвёра тхэквандыстаў з нашай краіны.-0-
Прадстаўнік Беларусі стаў лепшым у вагавой катэгорыі да 58 кілаграмаў. У першым баі Гурцыеў справіўся з партугальцам Ціягу Лопешам, у наступным крузе выбіў з барацьбы харвата Ёсіпа Цескеру, а ў паўфінале быў мацнейшым за Энеса Каплана з Турцыі. У паядынку за золата Георгій у двух раўндах перамог Абдэррахмана Туяра з Італіі (16:13, 20:18).
У мінулым годзе ўдзельнік парыжскай Алімпіяды Гурцыеў быў другім на чэмпіянаце свету і трэцім на чэмпіянаце Еўропы, таксама ў актыве Георгія ёсць сярэбраны медаль планетарнага форуму 2023 года. Раней бронзавым прызёрам першынства кантынента-2026 у Мюнхене стаў наш Арцём Плоніс (звыш 87 кг).
Заўтра на чэмпіянаце Еўропы ў Германіі выступяць трое беларускіх спартсменаў, у заключны дзень спаборніцтваў 14 мая паядынкі правядуць чацвёра тхэквандыстаў з нашай краіны.-0-
Падпісвайцеся на нас у
