24 верасня, Мінск /Кар. БЕЛТА/. Першыя камплекты ўзнагарод разыграны 23 верасня на чэмпіянаце свету па мастацкай гімнастыцы ў турэцкім Ізміры. Адзін з медалёў у актыве беларускай грацыі Меліціны Станюты, паведамляе карэспандэнт БЕЛТА.
Лідар зборнай Беларусі стала ўладальніцай бронзы ў практыкаваннях з мячом, набраўшы 18,000 бала. Роўных тут не было расійскім "мастачкам" - званне чэмпіёнак свету падзялілі паміж сабой Яна Кудраўцава і Маргарыта Мамун, у якіх абсалютна аднолькавая сума балаў - 18,433. Яшчэ адна беларуска Кацярына Галкіна паказала ў фінале 6-ы вынік - 17,450 бала.
Яна Кудраўцава і Маргарыта Мамун таксама былі лепшымі ў практыкаваннях з абручом - золата ў актыве Кудраўцавай (18,816 бала), а Мамун дасталося серабро (18,450). Бронзавым прызёрам стала прадстаўніца Рэспублікі Карэя Чжэй Сон (17,966). Беларускія гімнасткі ў гэтым відзе спаборніцкай праграмы ў фінал не прабіліся.
Чарговыя камплекты ўзнагарод сусветнага першынства будуць разыграны 25 верасня, калі вызначацца лаўрэаты ў двух відах праграмы - практыкаваннях з булавамі і стужкай.
33-і чэмпіянат свету па мастацкай гімнастыцы завершыцца ў нядзелю, 28 верасня.
Лідар зборнай Беларусі стала ўладальніцай бронзы ў практыкаваннях з мячом, набраўшы 18,000 бала. Роўных тут не было расійскім "мастачкам" - званне чэмпіёнак свету падзялілі паміж сабой Яна Кудраўцава і Маргарыта Мамун, у якіх абсалютна аднолькавая сума балаў - 18,433. Яшчэ адна беларуска Кацярына Галкіна паказала ў фінале 6-ы вынік - 17,450 бала.
Яна Кудраўцава і Маргарыта Мамун таксама былі лепшымі ў практыкаваннях з абручом - золата ў актыве Кудраўцавай (18,816 бала), а Мамун дасталося серабро (18,450). Бронзавым прызёрам стала прадстаўніца Рэспублікі Карэя Чжэй Сон (17,966). Беларускія гімнасткі ў гэтым відзе спаборніцкай праграмы ў фінал не прабіліся.
Чарговыя камплекты ўзнагарод сусветнага першынства будуць разыграны 25 верасня, калі вызначацца лаўрэаты ў двух відах праграмы - практыкаваннях з булавамі і стужкай.
33-і чэмпіянат свету па мастацкай гімнастыцы завершыцца ў нядзелю, 28 верасня.