Аляксандр Лукашэнка і Ільхам Аліеў
16 мая, Баку /Кар. БЕЛТА/. Азербайджан і Беларусь дамовіліся нарошчваць гандлёва-эканамічнае супрацоўніцтва і прамкааперацыю. Аб гэтым заявіў журналістам Прэзідэнт Азербайджана Ільхам Аліеў па выніках перагавораў з Прэзідэнтам Беларусі Аляксандрам Лукашэнкам, перадае карэспандэнт БЕЛТА.
"Праведзеныя перагаворы (і сам-насам, і ў пашыраным складзе) яшчэ раз наглядна дэманструюць, што нашы краіны з'яўляюцца добрымі сябрамі", - падкрэсліў азербайджанскі лідар.
Кіраўнік дзяржавы адзначыў, што ў ходзе перагавораў бакі дэталёва прааналізавалі развіццё двухбаковых адносін за апошнія гады і з задавальненнем адзначылі іх дынамічнае развіццё, намецілі шляхі далейшага супрацоўніцтва. У прыватнасці, дамовіліся да наступнага пасяджэння міжурадавай камісіі ў Мінску вызначыць канкрэтныя крокі для рэалізацыі дасягнутых дамоўленасцей з тэрмінамі выканання і адказнымі асобамі. "З тым, каб яшчэ больш нарошчваць патэнцыял узаемнага гандлёва-эканамічнага супрацоўніцтва", - сказаў Ільхам Аліеў.
"Усё, аб чым мы сёння гаварылі, мае даволі канкрэтны характар. Размова ідзе ў першую чаргу аб прамысловай кааперацыі, стварэнні сумесных вытворчасцей у Беларусі, Азербайджане і аб павелічэнні патэнцыялу тых сумесных вытворчасцей, якія ўжо створаны шмат гадоў таму. Гэта ў першую чаргу машынабудаванне", - растлумачыў ён.
Акрамя таго, у час перагавораў размова ішла аб развіцці адносін у ваенна-прамысловым комплексе, сельскай гаспадарцы, транспарце - аб усіх тых пытаннях, якія будуць мець практычнае значэнне для развіцця эканомік дзвюх краін.
Паводле слоў Прэзідэнта, члены дэлегацыі Беларусі і Азербайджана напярэдадні правялі плённыя перагаворы, што дэманструе, як адказна абодва бакі падыходзілі да арганізацыі дзяржаўнага візіту Прэзідэнта Беларусі - загадзя абмеркавалі і ўзгаднілі пытанні, якія ў далейшым былі вынесены на адабрэнне кіраўнікоў дзяржаў. "Думаю, што такая эфектыўная форма супрацоўніцтва найбольш правільная і нацэлена на канкрэтны вынік. Такім чынам, я ўпэўнены, што ў будучым (не такім ужо далёкім будучым) мы ўбачым новыя рубяжы нашых адносін, новыя прадпрыемствы, новыя рабочыя месцы, а таксама новыя напрамкі супрацоўніцтва", - падкрэсліў кіраўнік дзяржавы.
Адной з тэм перагавораў лідараў дзвюх краін стала бяспека ў рэгіёне, на прасторы СНД, яны абмяняліся меркаваннямі па актуальных пытаннях сусветнай палітыкі. "Сітуацыя ў свеце мяняецца даволі хутка і, як правіла, у негатыўны бок. З'яўляюцца новыя канфлікты, новыя ачагі нестабільнасці. На жаль, існуючыя канфлікты, як правіла, не вырашаюцца", - сказаў наконт гэтага Ільхам Аліеў.
Гаворачы аб асабістых узаемаадносінах з беларускім калегам, Прэзідэнт Азербайджана адзначыў, што ўжо на працягу двух дзесяцігоддзяў абодва лідары ў розных сітуацыях заўсёды захоўвалі прыхільнасць да такіх каштоўнасцей, як дабро, годнасць і сумленнасць, а таксама былі нацэлены на дасягненне канкрэтных вынікаў. "Думаю, даверныя адносіны паміж кіраўнікамі нашых краін даюць імпульс усім іншым дзяржаўным служачым, што яны гэтак жа павінны паміж сабой размаўляць, дружыць і працаваць на карысць сваіх краін, на ўмацаванне дружалюбных адносін паміж нашымі краінамі. А тое, што гэтыя адносіны дружалюбныя, сённяшні дзень наглядна дэманструе. Я яшчэ раз, Аляксандр Рыгоравіч, з удзячнасцю хачу сказаць, што ваш візіт успрымаю як знак дружбы і павагі", - падкрэсліў Ільхам Аліеў.-0-
"Праведзеныя перагаворы (і сам-насам, і ў пашыраным складзе) яшчэ раз наглядна дэманструюць, што нашы краіны з'яўляюцца добрымі сябрамі", - падкрэсліў азербайджанскі лідар.
Кіраўнік дзяржавы адзначыў, што ў ходзе перагавораў бакі дэталёва прааналізавалі развіццё двухбаковых адносін за апошнія гады і з задавальненнем адзначылі іх дынамічнае развіццё, намецілі шляхі далейшага супрацоўніцтва. У прыватнасці, дамовіліся да наступнага пасяджэння міжурадавай камісіі ў Мінску вызначыць канкрэтныя крокі для рэалізацыі дасягнутых дамоўленасцей з тэрмінамі выканання і адказнымі асобамі. "З тым, каб яшчэ больш нарошчваць патэнцыял узаемнага гандлёва-эканамічнага супрацоўніцтва", - сказаў Ільхам Аліеў.
"Усё, аб чым мы сёння гаварылі, мае даволі канкрэтны характар. Размова ідзе ў першую чаргу аб прамысловай кааперацыі, стварэнні сумесных вытворчасцей у Беларусі, Азербайджане і аб павелічэнні патэнцыялу тых сумесных вытворчасцей, якія ўжо створаны шмат гадоў таму. Гэта ў першую чаргу машынабудаванне", - растлумачыў ён.
Акрамя таго, у час перагавораў размова ішла аб развіцці адносін у ваенна-прамысловым комплексе, сельскай гаспадарцы, транспарце - аб усіх тых пытаннях, якія будуць мець практычнае значэнне для развіцця эканомік дзвюх краін.
Паводле слоў Прэзідэнта, члены дэлегацыі Беларусі і Азербайджана напярэдадні правялі плённыя перагаворы, што дэманструе, як адказна абодва бакі падыходзілі да арганізацыі дзяржаўнага візіту Прэзідэнта Беларусі - загадзя абмеркавалі і ўзгаднілі пытанні, якія ў далейшым былі вынесены на адабрэнне кіраўнікоў дзяржаў. "Думаю, што такая эфектыўная форма супрацоўніцтва найбольш правільная і нацэлена на канкрэтны вынік. Такім чынам, я ўпэўнены, што ў будучым (не такім ужо далёкім будучым) мы ўбачым новыя рубяжы нашых адносін, новыя прадпрыемствы, новыя рабочыя месцы, а таксама новыя напрамкі супрацоўніцтва", - падкрэсліў кіраўнік дзяржавы.
Адной з тэм перагавораў лідараў дзвюх краін стала бяспека ў рэгіёне, на прасторы СНД, яны абмяняліся меркаваннямі па актуальных пытаннях сусветнай палітыкі. "Сітуацыя ў свеце мяняецца даволі хутка і, як правіла, у негатыўны бок. З'яўляюцца новыя канфлікты, новыя ачагі нестабільнасці. На жаль, існуючыя канфлікты, як правіла, не вырашаюцца", - сказаў наконт гэтага Ільхам Аліеў.
Гаворачы аб асабістых узаемаадносінах з беларускім калегам, Прэзідэнт Азербайджана адзначыў, што ўжо на працягу двух дзесяцігоддзяў абодва лідары ў розных сітуацыях заўсёды захоўвалі прыхільнасць да такіх каштоўнасцей, як дабро, годнасць і сумленнасць, а таксама былі нацэлены на дасягненне канкрэтных вынікаў. "Думаю, даверныя адносіны паміж кіраўнікамі нашых краін даюць імпульс усім іншым дзяржаўным служачым, што яны гэтак жа павінны паміж сабой размаўляць, дружыць і працаваць на карысць сваіх краін, на ўмацаванне дружалюбных адносін паміж нашымі краінамі. А тое, што гэтыя адносіны дружалюбныя, сённяшні дзень наглядна дэманструе. Я яшчэ раз, Аляксандр Рыгоравіч, з удзячнасцю хачу сказаць, што ваш візіт успрымаю як знак дружбы і павагі", - падкрэсліў Ільхам Аліеў.-0-
