21 верасня, Мінск /Кар. БЕЛТА/. Гамяльчанін Андрэй Салавей прызнаны лепшым іграком 23-га тура футбольнага чэмпіянату Беларусі, паведамляе карэспандэнт БЕЛТА.
У гасцявым паядынку са "Слуцкам" лідар атак "Гомеля" аформіў хет-трык і дапамог сваёй камандзе выйграць з рэзультатам 4:1. Цяпер у актыве Андрэя Салаўя 14 забітых мячоў, сярод лепшых бамбардзіраў ён уступае толькі гамбійскаму нападаючаму салігорскага "Шахцёра" Дэмба Дарба, які забіў 16 галоў.
Пасля другой запар значнай вікторыі гамяльчане набралі 44 ачкі і займаюць пятае месца ў турнірнай табліцы. Лідзіруе барысаўскі БАТЭ, які набраў 51 бал у 23 праведзеных гульнях, на адно ачко адстае дзеючы чэмпіён краіны салігорскі "Шахцёр", які правёў на тры паядынкі менш, трэцім ідзе мінскае "Дынама" - 48 ачкоў, у брэсцкага "Руха" на адзін бал менш.
У наступным туры сустракаюцца:
24 верасня
"Гомель" - "Дынама" (Брэст);
25 верасня
"Іслач" - "Тарпеда-БелАЗ", "Мінск" - "Слуцк", "Рух" - БАТЭ;
26 верасня
"Смаргонь" - "Дынама" (Мінск), "Энергетык-БДУ" - "Віцебск", "Шахцёр" - "Нёман" (Гродна).-0-
