Фота Палаты прадстаўнікоў
26 лістапада, Гомель /Кар. БЕЛТА/. Аб развіцці будаўнічай галіны, пытаннях забеспячэння жыллём грамадзян, а таксама захаванні гістарычнай памяці ішла размова на сустрэчы старшыні Палаты прадстаўнікоў Нацыянальнага сходу Ігара Сергяенкі з дэпутатамі, а таксама калектывам Гомельскага ДБК, перадае карэспандэнт БЕЛТА.
Вітаючы домабудаўнікоў, старшыня Палаты прадстаўнікоў абазначыў актуальны парадак дня сустрэчы. "Фактычна з вызвалення Гомельскай вобласці пачалося і паступальнае вызваленне краіны ад нямецка-фашысцкіх захопнікаў. І сёння Гомель адзначае 82-ю гадавіну вызвалення. Гэта адна з нагод для сустрэчы. Таксама, выязджаючы ў розныя рэгіёны краіны, наведваем калектывы, размаўляем з людзьмі. Нам важна ведаць аб пытаннях і праблемах, якія хвалююць людзей, данесці інфармацыю і заканадаўчыя навелы", - падкрэсліў Ігар Сергяенка, абазначыўшы шэраг заканадаўчых новаўвядзенняў у зямельнай сферы, адукацыі і інш.
Таксама госці азнаёміліся з вытворчасцю Гомельскага ДБК. Прадпрыемства спецыялізуецца на будаўніцтве шматпавярховых дамоў і катэджаў, асвоена сучасная вытворчасць канструкцый, элементаў і камплектуючых, паспяхова рэалізуецца экспартны напрамак. "Загружаны на 100 працэнтаў, працуем рэнтабельна", - запэўнілі на прадпрыемстве, адзначыўшы, што тэхналогіі і рэсурсы даюць магчымасць рэалізоўваць праекты фактычна пад ключ. Заязджаючы на пустую пляцоўку, завяршаюць добраўпарадкаваннем, уключаючы дзіцячую інфраструктуру. Шэраг праектаў рэалізуецца ў рэгіёнах Расіі.
Пры гэтым працэс мадэрнізацыі на прадпрыемстве не спыняецца. Тэхнічнае і тэхналагічнае пераўзбраенне садзейнічае асваенню новых напрамкаў.
Яшчэ адзін пункт у маршруце - наведванне брэндавага аб'екта для прадпрыемства - першага ў абласным цэнтры 24-павярховага шматкватэрнага жылога дома з буйнапанэльнага домабудавання, узведзенага ў маладым мікрараёне на вул.Мазурава.
Як расказаў намеснік генеральнага дырэктара па вытворчасці, дырэктар завода БПД Раман Івашкевіч, гэты праект стаў флагманскім для прадпрыемства. "Але наперадзе яшчэ нямала цікавых аб'ектаў", - запэўніў ён.
Парадак дня пачаўся з сустрэчы Ігара Сергяенкі са старшынёй аблвыканкама Іванам Крупко. На парадку дня - супрацоўніцтва з рэгіёнамі Расіі, развіццё інфраструктуры Гомеля, мадэрнізацыя аб'ектаў сацыяльнай сферы, рэканструкцыя помнікаў архітэктуры і адкрыццё новых мемарыялаў.-0-
Вітаючы домабудаўнікоў, старшыня Палаты прадстаўнікоў абазначыў актуальны парадак дня сустрэчы. "Фактычна з вызвалення Гомельскай вобласці пачалося і паступальнае вызваленне краіны ад нямецка-фашысцкіх захопнікаў. І сёння Гомель адзначае 82-ю гадавіну вызвалення. Гэта адна з нагод для сустрэчы. Таксама, выязджаючы ў розныя рэгіёны краіны, наведваем калектывы, размаўляем з людзьмі. Нам важна ведаць аб пытаннях і праблемах, якія хвалююць людзей, данесці інфармацыю і заканадаўчыя навелы", - падкрэсліў Ігар Сергяенка, абазначыўшы шэраг заканадаўчых новаўвядзенняў у зямельнай сферы, адукацыі і інш.
Таксама госці азнаёміліся з вытворчасцю Гомельскага ДБК. Прадпрыемства спецыялізуецца на будаўніцтве шматпавярховых дамоў і катэджаў, асвоена сучасная вытворчасць канструкцый, элементаў і камплектуючых, паспяхова рэалізуецца экспартны напрамак. "Загружаны на 100 працэнтаў, працуем рэнтабельна", - запэўнілі на прадпрыемстве, адзначыўшы, што тэхналогіі і рэсурсы даюць магчымасць рэалізоўваць праекты фактычна пад ключ. Заязджаючы на пустую пляцоўку, завяршаюць добраўпарадкаваннем, уключаючы дзіцячую інфраструктуру. Шэраг праектаў рэалізуецца ў рэгіёнах Расіі.
Пры гэтым працэс мадэрнізацыі на прадпрыемстве не спыняецца. Тэхнічнае і тэхналагічнае пераўзбраенне садзейнічае асваенню новых напрамкаў.
Яшчэ адзін пункт у маршруце - наведванне брэндавага аб'екта для прадпрыемства - першага ў абласным цэнтры 24-павярховага шматкватэрнага жылога дома з буйнапанэльнага домабудавання, узведзенага ў маладым мікрараёне на вул.Мазурава.
Як расказаў намеснік генеральнага дырэктара па вытворчасці, дырэктар завода БПД Раман Івашкевіч, гэты праект стаў флагманскім для прадпрыемства. "Але наперадзе яшчэ нямала цікавых аб'ектаў", - запэўніў ён.
Парадак дня пачаўся з сустрэчы Ігара Сергяенкі са старшынёй аблвыканкама Іванам Крупко. На парадку дня - супрацоўніцтва з рэгіёнамі Расіі, развіццё інфраструктуры Гомеля, мадэрнізацыя аб'ектаў сацыяльнай сферы, рэканструкцыя помнікаў архітэктуры і адкрыццё новых мемарыялаў.-0-
Падпісвайцеся на нас у
