"Прызванне Мама". Прыёмныя сем'і прымуць удзел у рэспубліканскай акцыі, прымеркаванай да Года беларускай жанчыны

16 лютага, Мінск /Кар. БЕЛТА/. Рэспубліканская акцыя "Прызванне Мама", прымеркаваная да Года беларускай жанчыны, пройдзе ў Беларусі з 1 сакавіка па 14 кастрычніка. Аб гэтым БЕЛТА паведамілі ў Беларускім дзіцячым фондзе.

Ініцыятыва накіравана на папулярызацыю сацыяльнай ролі сучаснай беларускай жанчыны - адказнай маці, а таксама на павышэнне статусу бацькоў-выхавальнікаў дзіцячых дамоў сямейнага тыпу і маці, якія выхоўваюць дзяцей з інваліднасцю.

Удзельнікамі акцыі стануць сем'і з дзіцячых дамоў сямейнага тыпу, прыёмныя і апякунскія сем'і, а таксама сем'і, якія выхоўваюць дзяцей з інваліднасцю. Мамы разам з дзецьмі падрыхтуюць відэаролікі аб паўсядзённым жыцці сям'і: аб святочных і культурна-забаўляльных падзеях, дамашніх творчых конкурсах, тэматычных майстар-класах і іншых сумесных актыўнасцях.

"Мэта - паказаць грамадскасці маштаб штодзённай працы маці-выхавальніц і бацькоў, якая часта застаецца не заўважанай. Відэаматэрыялы будуць размяшчацца ў сацыяльных сетках, а лепшыя ролікі ўвойдуць у відэаальбом дабрачыннай праграмы "Цёплы дом". Па выніках акцыі найбольш актыўныя ўдзельніцы з абласцей і Мінска будуць запрошаны на ўрачыстае мерапрыемства ў сталіцы", - расказалі ў фондзе.-0-