28 лістапада, Астана /Кар. БЕЛТА/. Штучны інтэлект можа загубіць чалавецтва. Такія апасенні агучыў Прэзідэнт Беларусі Аляксандр Лукашэнка ў сваім выступленні ў Астане на саміце АДКБ, перадае карэспандэнт БЕЛТА.
Прэзідэнт выказаў занепакоенасць наконт перспектыў некантралюемага выкарыстання магчымасцей штучнага інтэлекту, які ўсё часцей выкарыстоўваюць для планавання і вырашэння ваенных задач. "Маючы здольнасць да саманавучання, гэты інструмент можа загубіць чалавецтва, калі яго выпусціць з-пад кантролю", - адзначыў ён.
У ліку праблемных пытанняў Прэзідэнт таксама згадаў тэматыку інфармацыйнай бяспекі і кіберпагрозы. "З аднаго боку, сучасныя тэхналогіі ствараюць тысячы новых магчымасцей і перспектыў. З іншага боку, яны спараджаюць мноства рызык і пагроз - фэйкі, дэзынфармацыя, атакі на крытычную інфраструктуру", - заявіў Аляксандр Лукашэнка.-0-
Падпісвайцеся на нас у
