17 лютага, Мінск /Кар. БЕЛТА/. Прэзідэнт Беларусі Аляксандр Лукашэнка, прымаючы справаздачу ўрада за 2025 год, назваў спосаб устаранення неабгрунтаванага пасрэдніцтва, перадае карэспандэнт БЕЛТА.
Кіраўнік дзяржавы нагадаў, што раней даваў персанальнае даручэнне Аляксандру Косінцу прапрацаваць прапановы па ўстараненні неабгрунтаванага пасрэдніцтва. "Ён мне другі раз прыслаў дакумент: стварыць нейкую камісію, групу… Гляджу на гэту групу, там усе міністры, усе губернатары. Гэта што, другі ўрад Косінец стварае? Ну папрасіў бы пяць чалавек спецыялістаў, якія разумеюць нешта ў гэтым. Гэта (было б. - Заўвага БЕЛТА) зразумела. Губернатары будуць ездзіць на нарады да Косінца?! Я раз насцярожыўся, другі раз. Ну навошта? Які губернатар паедзе ў Мінск на гэтыя нарады? Ці ў Віцебску ён іх збярэ і будзе вырашаць пытанне пасрэдніцтва? - крытычна заўважыў Прэзідэнт, абазначыўшы шэраг рытарычных пытанняў.
Аляксандр Лукашэнка падкрэсліў, што чакаў канцэптуальных прапаноў для ўказа Прэзідэнта па акрэсленай тэме.
"Я катэгарычна ад вас патрабую: ніякага імпарту ў краіну без дазволу профільнага міністра, - назваў эфектыўны спосаб вырашэння праблемы кіраўнік дзяржавы. - Завозім аўтобусы - ідзіце да міністра, папрасіце дазволу. Завозім тканіны - ідзіце да старшыні канцэрна ("Беллегпрам". - Заўвага БЕЛТА), папрасіце ў яе дазвол. Не трэба гэтыя сістэмы мільённыя. Яна падпісала - мы з яе і запатрабуем тады, чаму яна льнотканіны завезла, калі ў нас свой ільнокамбінат".
У той жа час неабходна ўзмацніць патрабаванні да льнокамбіната, іншых айчынных прадпрыемстваў па якасці вырабляемай прадукцыі. Калі гаварыць, напрыклад, пра беларускую лёгкую прамысловасць, то ёсць шмат таварных пазіцый высокай якасці, якія цэняцца нават за межамі краіны. "Я, калі еду за мяжу, мы ж дорым абрусы, яшчэ нешта (з беларускай традыцыйнай прадукцыі. - Заўвага БЕЛТА). Яны ахкаюць, вохкаюць: "Нічога сабе!" Усе задаволены. А ў нас не - Гучы і Версачэ. Дык мы пастаянна прывучаем наша насельніцтва, рэкламуем гэтыя Гучы-Версачэ", - крытычна заўважыў кіраўнік дзяржавы.
Акрамя таго, Прэзідэнт запатрабаваў перастаць адцягваць увагу губернатараў ад выканання асноўных задач на месцах, неабгрунтавана выклікаючы іх на розныя нарады, пасяджэнні і іншае. Аналагічны падыход і да работы міністраў. "Па-першае, яны незадаволены, міністры, калі іх тузаюць, - адзначыў Аляксандр Лукашэнка. - А па-другое, некаторыя: "А чаго там, пайду ў Прэзідэнта пасяджу паўдня, у прэм'ера паўдня, потым у Качанавай паўдня, у Сергяенкі паўдня" - паўтыдня няма. Навошта вы іх тузаеце на гэтыя нарады? Няўжо тут нельга парадак навесці? Прэм'ер паклікаў на нараду ва ўрад і папярэдзіў міністраў: "Без майго ведама нікуды".
"Так і зроблена", - адказаў на гэтыя заўвагі кіраўніка дзяржавы кіраўнік урада Аляксандр Турчын.-0-
Кіраўнік дзяржавы нагадаў, што раней даваў персанальнае даручэнне Аляксандру Косінцу прапрацаваць прапановы па ўстараненні неабгрунтаванага пасрэдніцтва. "Ён мне другі раз прыслаў дакумент: стварыць нейкую камісію, групу… Гляджу на гэту групу, там усе міністры, усе губернатары. Гэта што, другі ўрад Косінец стварае? Ну папрасіў бы пяць чалавек спецыялістаў, якія разумеюць нешта ў гэтым. Гэта (было б. - Заўвага БЕЛТА) зразумела. Губернатары будуць ездзіць на нарады да Косінца?! Я раз насцярожыўся, другі раз. Ну навошта? Які губернатар паедзе ў Мінск на гэтыя нарады? Ці ў Віцебску ён іх збярэ і будзе вырашаць пытанне пасрэдніцтва? - крытычна заўважыў Прэзідэнт, абазначыўшы шэраг рытарычных пытанняў.
Аляксандр Лукашэнка падкрэсліў, што чакаў канцэптуальных прапаноў для ўказа Прэзідэнта па акрэсленай тэме.
"Я катэгарычна ад вас патрабую: ніякага імпарту ў краіну без дазволу профільнага міністра, - назваў эфектыўны спосаб вырашэння праблемы кіраўнік дзяржавы. - Завозім аўтобусы - ідзіце да міністра, папрасіце дазволу. Завозім тканіны - ідзіце да старшыні канцэрна ("Беллегпрам". - Заўвага БЕЛТА), папрасіце ў яе дазвол. Не трэба гэтыя сістэмы мільённыя. Яна падпісала - мы з яе і запатрабуем тады, чаму яна льнотканіны завезла, калі ў нас свой ільнокамбінат".
У той жа час неабходна ўзмацніць патрабаванні да льнокамбіната, іншых айчынных прадпрыемстваў па якасці вырабляемай прадукцыі. Калі гаварыць, напрыклад, пра беларускую лёгкую прамысловасць, то ёсць шмат таварных пазіцый высокай якасці, якія цэняцца нават за межамі краіны. "Я, калі еду за мяжу, мы ж дорым абрусы, яшчэ нешта (з беларускай традыцыйнай прадукцыі. - Заўвага БЕЛТА). Яны ахкаюць, вохкаюць: "Нічога сабе!" Усе задаволены. А ў нас не - Гучы і Версачэ. Дык мы пастаянна прывучаем наша насельніцтва, рэкламуем гэтыя Гучы-Версачэ", - крытычна заўважыў кіраўнік дзяржавы.
Акрамя таго, Прэзідэнт запатрабаваў перастаць адцягваць увагу губернатараў ад выканання асноўных задач на месцах, неабгрунтавана выклікаючы іх на розныя нарады, пасяджэнні і іншае. Аналагічны падыход і да работы міністраў. "Па-першае, яны незадаволены, міністры, калі іх тузаюць, - адзначыў Аляксандр Лукашэнка. - А па-другое, некаторыя: "А чаго там, пайду ў Прэзідэнта пасяджу паўдня, у прэм'ера паўдня, потым у Качанавай паўдня, у Сергяенкі паўдня" - паўтыдня няма. Навошта вы іх тузаеце на гэтыя нарады? Няўжо тут нельга парадак навесці? Прэм'ер паклікаў на нараду ва ўрад і папярэдзіў міністраў: "Без майго ведама нікуды".
"Так і зроблена", - адказаў на гэтыя заўвагі кіраўніка дзяржавы кіраўнік урада Аляксандр Турчын.-0-
Падпісвайцеся на нас у
