18 лютага, Мінск /Кар. БЕЛТА/. Воінскія часці, якія прайшлі раптоўную праверку боегатоўнасці па даручэнні Прэзідэнта, здольны выканаць пастаўленыя задачы. Аб гэтым журналістам заявіў дзяржаўны сакратар Савета бяспекі Аляксандр Вальфовіч па выніках даклада кіраўніку дзяржавы, перадае карэспандэнт БЕЛТА.
Падводзячы прамежкавыя вынікі праверкі боегатоўнасці Узброеных Сіл, якая праводзіцца па распараджэнні Прэзідэнта, Аляксандр Вальфовіч адзначыў, што ваеннаслужачыя паказалі сябе цалкам дастойна. "Недахопы ёсць, усё гэта будзе прааналізавана. Але наша задача не проста паставіць ацэнку тым, каго мы правяраем, а выявіць слабыя месцы, паглядзець, што не атрымалася, на што звярнуць увагу ў падрыхтоўцы афіцэрскага складу, - заявіў ён. - Папярэдне хацелася б адзначыць, што, працуючы на палігонах, асабовы склад гарэў жаданнем паказаць рэзультат. Хачу сказаць, што нашы воінскія часці здольны выканаць задачы".
Аляксандр Вальфовіч расказаў, што ў ходзе другога этапу праверкі боегатоўнасці Узброеных Сіл ставілася задача адпрацаваць як мага больш шырокі спектр пытанняў. "Былі адпрацаваны такія пытанні, як загрузка матэрыяльных сродкаў на транспарт, атрыманне боепрыпасаў на пэўных складах, ажыццяўленне маршаў на розныя адлегласці. Пры гэтым розным воінскім часцям дасталіся розныя маршруты", - дадаў ён.
Паводле слоў дзяржсакратара, ваеннаслужачыя выканалі не толькі пешы марш-кідок на палігонах, але і марш на тэхніцы на пэўныя рубяжы. У час маршу на кожнае падраздзяленне аказвалі ўздзеянне ўнутраныя войскі, якія выступалі ў якасці ўмоўнага праціўніка. Пры гэтым уздзеянне аказвалася ў тым ліку з выкарыстаннем БПЛА. Тут Аляксандр Вальфовіч адзначыў важнасць сродкаў радыёэлектроннай барацьбы.
"У падраздзяленні 120-й брыгады паступілі нашы сродкі радыёэлектроннай барацьбы, якія былі ўстаноўлены на тэхніку. І ўздзеянне квадракоптараў на калоны, якія ішлі, не ўвянчалася поспехам. Гэта значыць нашы сродкі паказалі эфектыўнасць і ў бліжэйшы час яны будуць паступаць і ў іншыя воінскія часці, - сказаў Аляксандр Вальфовіч. - Спецыяльная ваенная аперацыя паказвае, што без такіх сродкаў радыёэлектроннай барацьбы ні адна расійская або ўкраінская калона не ажыццяўляе рух. На мой погляд, сродкі радыёэлектроннай барацьбы найбольш эфектыўныя, каб абараніць або засцерагчы ад небяспекі асабовы склад".
Фінальнай часткай гэтага этапу стала правядзенне на палігонах кантрольных заняткаў па агнявой і фізічнай падрыхтоўцы: "Агнявая вывучка і фізічная вынослівасць ваеннаслужачых - гэта аснова, якая патрэбна на полі бою. На гэта быў зроблены асноўны ўпор, і гэта было патрабаваннем нашага Прэзідэнта".
Дзяржаўны сакратар звярнуў увагу на тое, што асаблівы адбітак на праверку зрабіла няпростае надвор'е. У лютым на змену маразам прыйшло пацяпленне, што прывяло да туману і дрэннай бачнасці, асабліва ў ранішнія гадзіны. Акрамя таго, на ход праверкі паўплываў ледзяны дождж, які прывёў да абледзянення пэўных узораў узбраення і ваеннай тэхнікі.
"У гэтым была пэўная складанасць. Але хто будзе выбіраць надвор'е ў рэальным баі? Таму ваеннаслужачыя дзейнічалі ва ўмовах, якія былі максімальна набліжаны да рэальных", - канстатаваў Аляксандр Вальфовіч.
Як паведамлялася БЕЛТА, маштабная праверка Узброеных Сіл па даручэнні Прэзідэнта Беларусі пачалася 16 студзеня. Першачарговая мэта - убачыць аб'ектыўную карціну, рэальны стан войскаў, ацаніць дзеянні ваеннаслужачых. Менавіта таму мерапрыемствы маюць раптоўны характар. Ключавой асаблівасцю праверкі з'яўляецца яе арганізацыя. Кіраўнік дзяржавы прыводзіць у баявую гатоўнасць воінскія часці, абмінаючы Міністэрства абароны і Генеральны штаб.
Прэзідэнт падпісвае распараджэнне пад грыфам "сакрэтна", у якім пазначана задума будучай праверкі. Дзяржсакратар Савета бяспекі Аляксандр Вальфовіч атрымлівае закрыты пакет з дакументам, пасля чаго выязджае ў вызначаную кіраўніком дзяржавы воінскую часць. Па даручэнні беларускага лідара да правядзення праверкі таксама быў прыцягнуты старшыня КДК Васіль Герасімаў.
Аляксандр Лукашэнка трымае ход праверкі на асабістым кантролі, рэгулярна заслухоўвае даклады дзяржаўнага сакратара Савета бяспекі.-0-
Падводзячы прамежкавыя вынікі праверкі боегатоўнасці Узброеных Сіл, якая праводзіцца па распараджэнні Прэзідэнта, Аляксандр Вальфовіч адзначыў, што ваеннаслужачыя паказалі сябе цалкам дастойна. "Недахопы ёсць, усё гэта будзе прааналізавана. Але наша задача не проста паставіць ацэнку тым, каго мы правяраем, а выявіць слабыя месцы, паглядзець, што не атрымалася, на што звярнуць увагу ў падрыхтоўцы афіцэрскага складу, - заявіў ён. - Папярэдне хацелася б адзначыць, што, працуючы на палігонах, асабовы склад гарэў жаданнем паказаць рэзультат. Хачу сказаць, што нашы воінскія часці здольны выканаць задачы".
Аляксандр Вальфовіч расказаў, што ў ходзе другога этапу праверкі боегатоўнасці Узброеных Сіл ставілася задача адпрацаваць як мага больш шырокі спектр пытанняў. "Былі адпрацаваны такія пытанні, як загрузка матэрыяльных сродкаў на транспарт, атрыманне боепрыпасаў на пэўных складах, ажыццяўленне маршаў на розныя адлегласці. Пры гэтым розным воінскім часцям дасталіся розныя маршруты", - дадаў ён.
Паводле слоў дзяржсакратара, ваеннаслужачыя выканалі не толькі пешы марш-кідок на палігонах, але і марш на тэхніцы на пэўныя рубяжы. У час маршу на кожнае падраздзяленне аказвалі ўздзеянне ўнутраныя войскі, якія выступалі ў якасці ўмоўнага праціўніка. Пры гэтым уздзеянне аказвалася ў тым ліку з выкарыстаннем БПЛА. Тут Аляксандр Вальфовіч адзначыў важнасць сродкаў радыёэлектроннай барацьбы.
"У падраздзяленні 120-й брыгады паступілі нашы сродкі радыёэлектроннай барацьбы, якія былі ўстаноўлены на тэхніку. І ўздзеянне квадракоптараў на калоны, якія ішлі, не ўвянчалася поспехам. Гэта значыць нашы сродкі паказалі эфектыўнасць і ў бліжэйшы час яны будуць паступаць і ў іншыя воінскія часці, - сказаў Аляксандр Вальфовіч. - Спецыяльная ваенная аперацыя паказвае, што без такіх сродкаў радыёэлектроннай барацьбы ні адна расійская або ўкраінская калона не ажыццяўляе рух. На мой погляд, сродкі радыёэлектроннай барацьбы найбольш эфектыўныя, каб абараніць або засцерагчы ад небяспекі асабовы склад".
Фінальнай часткай гэтага этапу стала правядзенне на палігонах кантрольных заняткаў па агнявой і фізічнай падрыхтоўцы: "Агнявая вывучка і фізічная вынослівасць ваеннаслужачых - гэта аснова, якая патрэбна на полі бою. На гэта быў зроблены асноўны ўпор, і гэта было патрабаваннем нашага Прэзідэнта".
Дзяржаўны сакратар звярнуў увагу на тое, што асаблівы адбітак на праверку зрабіла няпростае надвор'е. У лютым на змену маразам прыйшло пацяпленне, што прывяло да туману і дрэннай бачнасці, асабліва ў ранішнія гадзіны. Акрамя таго, на ход праверкі паўплываў ледзяны дождж, які прывёў да абледзянення пэўных узораў узбраення і ваеннай тэхнікі.
"У гэтым была пэўная складанасць. Але хто будзе выбіраць надвор'е ў рэальным баі? Таму ваеннаслужачыя дзейнічалі ва ўмовах, якія былі максімальна набліжаны да рэальных", - канстатаваў Аляксандр Вальфовіч.
Як паведамлялася БЕЛТА, маштабная праверка Узброеных Сіл па даручэнні Прэзідэнта Беларусі пачалася 16 студзеня. Першачарговая мэта - убачыць аб'ектыўную карціну, рэальны стан войскаў, ацаніць дзеянні ваеннаслужачых. Менавіта таму мерапрыемствы маюць раптоўны характар. Ключавой асаблівасцю праверкі з'яўляецца яе арганізацыя. Кіраўнік дзяржавы прыводзіць у баявую гатоўнасць воінскія часці, абмінаючы Міністэрства абароны і Генеральны штаб.
Прэзідэнт падпісвае распараджэнне пад грыфам "сакрэтна", у якім пазначана задума будучай праверкі. Дзяржсакратар Савета бяспекі Аляксандр Вальфовіч атрымлівае закрыты пакет з дакументам, пасля чаго выязджае ў вызначаную кіраўніком дзяржавы воінскую часць. Па даручэнні беларускага лідара да правядзення праверкі таксама быў прыцягнуты старшыня КДК Васіль Герасімаў.
Аляксандр Лукашэнка трымае ход праверкі на асабістым кантролі, рэгулярна заслухоўвае даклады дзяржаўнага сакратара Савета бяспекі.-0-
Падпісвайцеся на нас у
