Фота з архіва
17 лютага, Мінск /Кар. БЕЛТА/. Прэзідэнт Беларусі Аляксандр Лукашэнка даручыў ураду планава заняцца мадэрнізацыяй цеплавых і электрасетак. Аб гэтым ён заявіў, прымаючы справаздачу ўрада за 2025 год, перадае карэспандэнт БЕЛТА.
Прэзідэнт спыніўся на такіх пытаннях, як дарогі, капітальны рамонт жылля і якасць вады. Ён падкрэсліў, што ва ўрада ёсць усе інструменты, каб эфектыўна вырашаць гэтыя пытанні. У іх ліку дзяржпраграмы і спецыяльныя паўнамоцтвы.
"Напрыклад, у новым указе па ЖКГ прадугледзелі павелічэнне сродкаў на адлічэнні водаканалам і на ачышчальныя збудаванні. Таму праект "Чыстая вада" павінен быць рэалізаваны прыярытэтна па ўсёй краіне", - даручыў беларускі лідар.
Паралельна кіраўнік дзяржавы даручыў планава заняцца мадэрнізацыяй цеплавых і электрычных сетак. "Каб сітуацыя з прарывам цеплатрасы, як у Мінску, не паўтарылася і не давялося ўстараняць яе наступствы ў мароз, - заявіў Аляксандр Лукашэнка. - Тое ж самае з забеспячэннем электрычнасцю: на зарадных станцыях - чэргі (таксама для мяне навіна - няўжо не хапае зарадных станцый), у доме і на дачы электраацяпленне - праблема, дазволаў не даюць. Нейкія інфраструктурныя цуды пры лішку генерыруючых магутнасцей!"-0-
Падпісвайцеся на нас у
