У Мінскай вобласці 19 лістапада ўрачыста адкрылі рэканструяваны ўчастак аўтадарогі Р53, які злучае вёскі Слабада і Навасады. У цырымоніі адкрыцця прынялі ўдзел міністр транспарту і камунікацый Аляксей Аўраменка, старшыня Мінгарвыканкама Уладзімір Кухараў і старшыня Мінаблвыканкама Аляксандр Турчын.
Рэканструяваць участак аўтадарогі (км 6,6 - км 13,0) пачалі ў ліпені 2020 года. Сучасная дарога пасля рэканструкцыі адпавядае першай катэгорыі. Яна зроблена з бетону і мае чатыры паласы для руху (па дзве ў кожны бок). На ўчастку з'явіўся адзін пуцеправод каля горада-спадарожніка Смалявічы. Таксама абсталяваны пешаходныя пераходы і мост, аўтобусныя прыпынкі.
На здымку: адкрыццё рэканструяванага ўчастка аўтадарогі Р53 Слабада - Навасады.
