Творчасць павінна быць па-за палітыкай. Аб гэтым журналістам заявіла прадстаўніца Украіны на XХIII Міжнародным конкурсе выканаўцаў эстраднай песні "Віцебск-2014" Вераніка Дораш, адказваючы на пытанне пра яе ўзаемаадносіны з расійскім удзельнікам Златам на фоне міжнародных падзей, паведамляе карэспандэнт БЕЛТА.
"Творчасць павінна быць па-за палітыкай на 100 працэнтаў. Творчасць - гэта сіла слова, эмоцыі, мір, дабро і святло. Ніякім чынам разлад паміж краінамі не павінен уплываць на музыку", - лічыць Вераніка.
Дзяўчыне вельмі спадабалася знаходзіцца ў Віцебску. Больш за ўсё яе ўразіла чысціня горада. "Спадзяюся, што ў Кіеве вельмі хутка будзе так чыста, як тут", - сказала яна.
