4 снежня, Мінск /Кар. БЕЛТА/. Уклад сферы турызму ў ВУП Беларусі плануецца павялічыць у два разы. Аб гэтым заявіў кіраўнік Адміністрацыі Прэзідэнта Дзмітрый Крутой у час пасяджэння Групы высокага ўзроўню Савета Міністраў Саюзнай дзяржавы, перадае карэспандэнт БЕЛТА.
"Акрамя эканомікі і гандлю, трэба актыўна пашыраць рэгіянальнае супрацоўніцтва ў турыстычнай галіне. Для нашай краіны вельмі важна падключыцца да дзеючых расійскіх праграм развіцця турыстычнай інфраструктуры, прымянення льготных механізмаў фінансавання пры рэалізацыі і пашырэнні сумесных праектаў. У Беларусі турызм аб'яўлены адным з прыярытэтаў на наступныя пяць гадоў. Пастаўлена задача павялічыць яго ўклад у ВУП у два разы. З улікам таго, што з Расіяй у турыстычнай сферы ў нас самае эфектыўнае ўзаемадзеянне, вядома, мы разлічваем на дапамогу расійскіх калег", - сказаў Дзмітрый Крутой.
Рэгіянальны парадак дня беларуска-расійскага гандлёва-эканамічнага ўзаемадзеяння традыцыйна з'яўляецца адным з прыярытэтных. "Інтэнсіўнасць сувязей Беларусі з рэгіёнамі Расіі не зніжаецца, і ў гэтым годзе таксама вельмі высокія вынікі. За 10 месяцаў бягучага года нашу краіну наведала 66 дэлегацый пад кіраўніцтвам кіраўнікоў расійскіх рэгіёнаў альбо іх намеснікаў. З іх 18 дэлегацый на ўзроўні губернатара сустрэліся з нашым Прэзідэнтам. Адбылося 88 візітаў беларускіх дэлегацый у расійскія рэгіёны", - адзначыў кіраўнік Адміністрацыі Прэзідэнта.
Прадаўжаецца работа па фарміраванні адзінай навукова-тэхналагічнай прасторы Саюзнай дзяржавы. Сярод прыярытэтных напрамкаў - работа па стварэнні сумеснага касмічнага апарата для высокадэталёвай здымкі Зямлі і інтэграванай сістэмы дыстанцыйнага зандзіравання Зямлі.
"У саюзным парадку дня застаецца пытанне забеспячэння роўных правоў грамадзян Беларусі і Расіі. Вельмі спадзяюся, што новы фармат прамога ўзаемадзеяння з грамадзянамі - арганізаваны асабісты прыём супрацоўнікамі Пастаяннага камітэта Саюзнай дзяржавы ў Маскве і супрацоўнікамі прадстаўніцтва Пасткама СД у Мінску - дасць магчымасць больш аператыўна выяўляць і ўстараняць праблемныя пытанні ў гэтай сферы", - адзначыў Дзмітрый Крутой.
У сённяшні парадак дня ўключана тэма, якая датычыцца мабільнай сувязі. "Мы верым, што рашэнне, якое адпавядае інтарэсам нашых людзей, таксама будзе знойдзена", - дадаў кіраўнік Адміністрацыі Прэзідэнта.-0-
"Акрамя эканомікі і гандлю, трэба актыўна пашыраць рэгіянальнае супрацоўніцтва ў турыстычнай галіне. Для нашай краіны вельмі важна падключыцца да дзеючых расійскіх праграм развіцця турыстычнай інфраструктуры, прымянення льготных механізмаў фінансавання пры рэалізацыі і пашырэнні сумесных праектаў. У Беларусі турызм аб'яўлены адным з прыярытэтаў на наступныя пяць гадоў. Пастаўлена задача павялічыць яго ўклад у ВУП у два разы. З улікам таго, што з Расіяй у турыстычнай сферы ў нас самае эфектыўнае ўзаемадзеянне, вядома, мы разлічваем на дапамогу расійскіх калег", - сказаў Дзмітрый Крутой.
Рэгіянальны парадак дня беларуска-расійскага гандлёва-эканамічнага ўзаемадзеяння традыцыйна з'яўляецца адным з прыярытэтных. "Інтэнсіўнасць сувязей Беларусі з рэгіёнамі Расіі не зніжаецца, і ў гэтым годзе таксама вельмі высокія вынікі. За 10 месяцаў бягучага года нашу краіну наведала 66 дэлегацый пад кіраўніцтвам кіраўнікоў расійскіх рэгіёнаў альбо іх намеснікаў. З іх 18 дэлегацый на ўзроўні губернатара сустрэліся з нашым Прэзідэнтам. Адбылося 88 візітаў беларускіх дэлегацый у расійскія рэгіёны", - адзначыў кіраўнік Адміністрацыі Прэзідэнта.
Прадаўжаецца работа па фарміраванні адзінай навукова-тэхналагічнай прасторы Саюзнай дзяржавы. Сярод прыярытэтных напрамкаў - работа па стварэнні сумеснага касмічнага апарата для высокадэталёвай здымкі Зямлі і інтэграванай сістэмы дыстанцыйнага зандзіравання Зямлі.
"У саюзным парадку дня застаецца пытанне забеспячэння роўных правоў грамадзян Беларусі і Расіі. Вельмі спадзяюся, што новы фармат прамога ўзаемадзеяння з грамадзянамі - арганізаваны асабісты прыём супрацоўнікамі Пастаяннага камітэта Саюзнай дзяржавы ў Маскве і супрацоўнікамі прадстаўніцтва Пасткама СД у Мінску - дасць магчымасць больш аператыўна выяўляць і ўстараняць праблемныя пытанні ў гэтай сферы", - адзначыў Дзмітрый Крутой.
У сённяшні парадак дня ўключана тэма, якая датычыцца мабільнай сувязі. "Мы верым, што рашэнне, якое адпавядае інтарэсам нашых людзей, таксама будзе знойдзена", - дадаў кіраўнік Адміністрацыі Прэзідэнта.-0-
Падпісвайцеся на нас у
