Атрыманне шэнгенскіх віз у пасольстве Італіі ў Беларусі: новы пастаўшчык паслуг, працэс афармлення ранейшы

16 красавіка, Мінск /Кар. БЕЛТА/. Пасольства Італіі ў Мінску растлумачыла некаторыя пытанні, звязаныя з атрыманнем шэнгенскіх віз, паведамляе карэспандэнт БЕЛТА са спасылкай на італьянскую дыпламатычную місію ў Мінску.

"Важная інфармацыя для ўсіх заяўнікаў на атрыманне шэнгенскіх віз у пасольстве Італіі ў Беларусі - пры пераходзе да новага пастаўшчыка паслуг па афармленні віз - візавага цэнтра VFS - ніякіх змяненняў у візавай палітыцы пасольства не будзе", - паведамілі ў пасольстве.

У прыватнасці, візавы цэнтр TLScontact (вул.Няміга, 40) прадоўжыць прымаць заяўнікаў на атрыманне шэнгенскіх віз да 30 чэрвеня. Запісацца ў ліст чакання TLScontact (жывую чаргу) можна да 30 красавіка.

Дадатковая інфармацыя, апісанне працэдуры і тэрміны будуць апублікаваны на сайце TLScontact. А пачынаючы з 1 мая новым заяўнікам неабходна будзе рэгістравацца ў ліст чакання VF Worldwide (VFS Global).

"Пасольства прыкладзе ўсе намаганні для забеспячэння бесперапыннасці работы ў пераходны перыяд (TLS/VF). Працэдура і патрабаванні да афармлення віз застаюцца нязменнымі", - падкрэслілі ў дыпламатычнай місіі Італіі ў Беларусі.-0-