Адзіны лічбавы контур: Міністэрства аховы здароўя ўкараняе новую сістэму абмену данымі

16 красавіка, Мінск /Кар. БЕЛТА/. Як Міністэрства аховы здароўя працуе з медцэнтрамі па перадачы даных, расказалі эксперты ў праекце БЕЛТА "Краіна гаворыць".

Пытанне інтэграцыі баз даных Міністэрства аховы здароўя з іншымі арганізацыямі даволі тонкае і пастаянна знаходзіцца на парадку дня. Спецыялісты міністэрства пагутарылі з калегамі з розных ведамстваў, выпрацавалі адзіныя механізмы ў плане тэхнічных мер і цяпер рыхтуюцца да таго, каб пратэсціраваць адну з медслужбаў па перадачы даных і іх адпаведнай абароне. Фокус не толькі на ведамаснай медыцыне. У медустановах прыватнай формы ўласнасці спецыялісты Міністэрства аховы здароўя бачаць кропкі росту для таго, каб узбагаціць і саму сістэму, і ўсіх медыцынскіх работнікаў ведамі. Таму што шэраг пацыентаў звяртаецца па медыцынскую дапамогу (аналізы, інструментальныя даследаванні) у прыватныя цэнтры. Для аказання высокатэхналагічнай медыцынскай дапамогі, правядзення медыцынскіх экспертыз гэта інфармацыя важна для сістэмы аховы здароўя, каб была магчымасць прыняць правільнае рашэнне.

У Міністэрстве аховы здароўя адзначылі, што цяпер вядзецца работа з двума буйнымі прыватнымі медыцынскімі цэнтрамі, але ведамства таксама ставіць перад сабой задачу ў падключэнні астатніх прыватных медыцынскіх цэнтраў у агляднай будучыні для таго, каб сфарміраваць адзіны лічбавы контур і абмен медыцынскай інфармацыяй у рамках усёй сферы аховы здароўя Беларусі.-0-

*Праект створаны за кошт сродкаў мэтавага збору на вытворчасць нацыянальнага кантэнту.