Фота з архіва
18 лістапада, Мінск /Кар. БЕЛТА/. Як падаткі фарміруюць бюджэт і субсідыі на камунальныя паслугі, расказаў першы намеснік міністра па падатках і зборах Уладзімір Муквіч, паведамляе карэспандэнт БЕЛТА.
Уладзімір Муквіч таксама ў сувязі са шматлікімі зваротамі грамадзян наконт змяненняў у парадку разлікаў і ўнясення платы за жыллёва-камунальныя паслугі пракаменціраваў новаўвядзенне. "Пазіцыя Міністэрства па падатках і зборах па гэтым актуальным пытанні наступная. Устаноўлены канстытуцыйны абавязак кожнага грамадзяніна ўдзельнічаць у дзяржаўных расходах. Зыходзячы з гэтага асноўнага абавязку падатковая служба ажыццяўляе і арганізоўвае кантрольную работу. Грамадзянамі Беларусі за 10 месяцаў бягучага года ўжо выплачана падаткаў на суму больш як Br13,5 млрд. Адпаведна, гэта не толькі падаходны падатак, гэта маёмасныя плацяжы і іншыя. Кожны грамадзянін, уносячы ва ўстаноўленыя тэрміны плацяжы ў бюджэт, удзельнічае ў фінансаванні дзяржаўных расходаў. Большасць грамадзян сапраўды гэта выконваюць да назначанага часу ў поўным аб'ёме", - расказаў ён.
Першы намеснік міністра адзначыў, што ёсць і грамадзяне, якія не ў поўнай меры гатовы своечасова ўносіць плацяжы ў бюджэт, і адносна іх падатковымі органамі праводзяцца кантрольныя мерапрыемствы. "Калі гаварыць пра падаходны падатак, то за 9 месяцаў бягучага года мы выявілі асоб, якія ўхіляліся ад выплаты плацяжоў у бюджэт на суму, калі гаварыць пра камеральны кантроль, то гэта амаль Br50 млн, калі аб правядзенні кантрольных мерапрыемстваў, то гэта практычна Br120 млн, - падзяліўся вынікамі ён. - Хочацца падкрэсліць, што большасць нашых грамадзян добраахвотна і своечасова ўносяць плацяжы ў бюджэт, які ўстаноўлены ў заканадаўстве. Сродкі, якія фарміруюцца ў бюджэце, праз механізм субсідзіравання накіроўваюцца на фінансаванне дзяржаўных паслуг. Як правіла, у мясцовым бюджэце прадугледжана адпаведнае субсідзіраванне. У мясцовых бюджэтах амаль 5 працэнтаў ідзе на фінансаванне такіх паслуг, у тым ліку і жыллёва-камунальных. Напрыклад, толькі на пакрыццё расходаў па камунальных паслугах, на іх субсідзіраванне, у бюджэце на 2025 год прадугледжана практычна Br870 на аднаго жыхара краіны".
З боку дзяржавы прымаюцца меры для таго, каб забяспечыць справядлівае і беражлівае выкарыстанне кожнага рубля, звярнуў увагу Уладзімір Муквіч. "Таму лагічна і абгрунтавана, калі сабраныя сродкі накіроўваюцца на субсідыі перш за ўсё тым грамадзянам, якія непасрэдным і асабістым сваім удзелам у выплаце плацяжоў у бюджэт фінансавалі гэтыя расходы, - дадаў ён. - Калі нехта жыве за мяжой і, адпаведна, не ўдзельнічае ў фінансаванні гэтага бюджэту, яму выстаўляюць плацяжы за камунальныя паслугі ў павышаным памеры. Здаецца абсалютна справядлівым і абгрунтаваным, калі той, хто ўдзельнічае ў фінансаванні бюджэту, атрымлівае субсідыі".-0-
Уладзімір Муквіч таксама ў сувязі са шматлікімі зваротамі грамадзян наконт змяненняў у парадку разлікаў і ўнясення платы за жыллёва-камунальныя паслугі пракаменціраваў новаўвядзенне. "Пазіцыя Міністэрства па падатках і зборах па гэтым актуальным пытанні наступная. Устаноўлены канстытуцыйны абавязак кожнага грамадзяніна ўдзельнічаць у дзяржаўных расходах. Зыходзячы з гэтага асноўнага абавязку падатковая служба ажыццяўляе і арганізоўвае кантрольную работу. Грамадзянамі Беларусі за 10 месяцаў бягучага года ўжо выплачана падаткаў на суму больш як Br13,5 млрд. Адпаведна, гэта не толькі падаходны падатак, гэта маёмасныя плацяжы і іншыя. Кожны грамадзянін, уносячы ва ўстаноўленыя тэрміны плацяжы ў бюджэт, удзельнічае ў фінансаванні дзяржаўных расходаў. Большасць грамадзян сапраўды гэта выконваюць да назначанага часу ў поўным аб'ёме", - расказаў ён.
Першы намеснік міністра адзначыў, што ёсць і грамадзяне, якія не ў поўнай меры гатовы своечасова ўносіць плацяжы ў бюджэт, і адносна іх падатковымі органамі праводзяцца кантрольныя мерапрыемствы. "Калі гаварыць пра падаходны падатак, то за 9 месяцаў бягучага года мы выявілі асоб, якія ўхіляліся ад выплаты плацяжоў у бюджэт на суму, калі гаварыць пра камеральны кантроль, то гэта амаль Br50 млн, калі аб правядзенні кантрольных мерапрыемстваў, то гэта практычна Br120 млн, - падзяліўся вынікамі ён. - Хочацца падкрэсліць, што большасць нашых грамадзян добраахвотна і своечасова ўносяць плацяжы ў бюджэт, які ўстаноўлены ў заканадаўстве. Сродкі, якія фарміруюцца ў бюджэце, праз механізм субсідзіравання накіроўваюцца на фінансаванне дзяржаўных паслуг. Як правіла, у мясцовым бюджэце прадугледжана адпаведнае субсідзіраванне. У мясцовых бюджэтах амаль 5 працэнтаў ідзе на фінансаванне такіх паслуг, у тым ліку і жыллёва-камунальных. Напрыклад, толькі на пакрыццё расходаў па камунальных паслугах, на іх субсідзіраванне, у бюджэце на 2025 год прадугледжана практычна Br870 на аднаго жыхара краіны".
З боку дзяржавы прымаюцца меры для таго, каб забяспечыць справядлівае і беражлівае выкарыстанне кожнага рубля, звярнуў увагу Уладзімір Муквіч. "Таму лагічна і абгрунтавана, калі сабраныя сродкі накіроўваюцца на субсідыі перш за ўсё тым грамадзянам, якія непасрэдным і асабістым сваім удзелам у выплаце плацяжоў у бюджэт фінансавалі гэтыя расходы, - дадаў ён. - Калі нехта жыве за мяжой і, адпаведна, не ўдзельнічае ў фінансаванні гэтага бюджэту, яму выстаўляюць плацяжы за камунальныя паслугі ў павышаным памеры. Здаецца абсалютна справядлівым і абгрунтаваным, калі той, хто ўдзельнічае ў фінансаванні бюджэту, атрымлівае субсідыі".-0-
Падпісвайцеся на нас у
