20 красавіка, Мінск /Кар. БЕЛТА/. У канфлікце на Блізкім Усходзе пакуль перамог няўстойлівы мір, але яго яшчэ трэба аберагаць, і шмат залежыць ад Прэзідэнта ЗША Дональда Трампа. Аб гэтым Прэзідэнт Беларусі Аляксандр Лукашэнка заявіў у інтэрв'ю тэлеканалу RT, перадае карэспандэнт БЕЛТА.
"Пераможцы тут не будзе. Перамог пакуль ледзь-ледзь мір, але ён такі няўстойлівы. Яго трэба яшчэ аберагаць (перамір'е аб'яўлена) і прыйсці да міру. Тут шмат што будзе залежаць ад Дональда Трампа, - заявіў Аляксандр Лукашэнка. - Здаецца, усё ж яго інтуіцыя і пачуцці ўзялі верх. Ён зразумеў, што далей ісці нельга, быць бядзе".
Журналіст RT пацікавіўся меркаваннем беларускага лідара аб тым, адкуль Іран знайшоў у сабе сілы, каб процістаяць ЗША з усёй іх магутнасцю. Аляксандр Лукашэнка адзначыў, што ў гэтым не трэба бачыць нейкую канспіралогію. Ён звярнуў увагу, што Іран ведаў, дзе знаходзяцца амерыканскія склады ўзбраенняў і мог паразіць гэтыя цэлі.
"Прывезлі вы там некалькі соцень ракет на авіяносцах, іншых караблях да іранскіх берагоў. Або ж у вас там на базах размешчана пэўная зброя. Гэта так, што тут здзіўляцца, - канстатаваў кіраўнік дзяржавы. - Іран ведаў усе вашы кропкі, усе вашы склады ўзбраенняў у суседніх краінах Персідскага заліва: у Эміратах, Катары, Кувейце і гэтак далей. Дзе ў вас яшчэ? У Саудаўскай Аравіі былі базы. Яны прыстраляны былі, калі па-ваеннаму гаварыць, іранцамі".
Пры гэтым Прэзідэнт выказаў упэўненасць, што калі б у Ірана была зброя, супастаўная па магутнасці з амерыканскай, ён мог бы як мінімум сцерці з зямлі Ізраіль: "У іх (іранцаў. - Заўвага БЕЛТА), вядома, узровень меншы, але ненамнога. Беспілотнікі былі, ракеты былі пэўнай далёкасці, нават да 4 тыс. км".
Кіраўнік дзяржавы дадаў, што Іран схаваў сваю зброю ў гарах і месцы захоўвання аказаліся недасягальныя для амерыканскіх ракет. Калі ЗША пачало здавацца, што яны перамаглі, Іран стаў наносіць удары ракетамі і тысячамі беспілотнікаў. "Нават "Залаты купал" (сістэма проціракетнай абароны. - Заўвага БЕЛТА) Ізраіля справіцца з гэтым не мог. Не кажучы ўжо аб амерыканскіх базах, якія былі ў Персідскім заліве, аб вашых караблях, якія прывезлі туды гэтыя ракеты і выкарыстоўвалі іх", - падкрэсліў Аляксандр Лукашэнка.
Ён звярнуў увагу, што ЗША знішчылі ў Іране школы, музеі, аб'екты культуры, жылыя дамы, асобныя электрастанцыі, нафтавыя промыслы, а таксама забілі кіраўніцтва краіны. Тым не менш гэта не стала катастрофай для Ірана, які змог нанесці ўдар у адказ.
"Вы забілі кіраўніцтва Ірана, і гэта вам адгукнецца. Пасля Венесуэлы вы паказалі сваё аблічча. Забілі - ну і што далей? На месца кіраўнікоў забітых прыйшлі іншыя, больш радыкальныя. Тое, што вы разбурылі дом у адным квартале... Людзі сяк-так - цёплая краіна - у палатках перасяліліся кудысьці і жывуць. Тое, што вы забілі дзяцей, вас не ўпрыгожвае. Іх ужо не вернеш. Але гэта не катастрофа для Ірана. І яны сваімі беспілотнікамі, якія, можа, крыху горшыя за амерыканскія, а недзе ім не ўступаюць, сваімі "Шахедамі" нанеслі адпаведны ўдар", - рэзюмаваў Аляксандр Лукашэнка.-0-
"Пераможцы тут не будзе. Перамог пакуль ледзь-ледзь мір, але ён такі няўстойлівы. Яго трэба яшчэ аберагаць (перамір'е аб'яўлена) і прыйсці да міру. Тут шмат што будзе залежаць ад Дональда Трампа, - заявіў Аляксандр Лукашэнка. - Здаецца, усё ж яго інтуіцыя і пачуцці ўзялі верх. Ён зразумеў, што далей ісці нельга, быць бядзе".
Журналіст RT пацікавіўся меркаваннем беларускага лідара аб тым, адкуль Іран знайшоў у сабе сілы, каб процістаяць ЗША з усёй іх магутнасцю. Аляксандр Лукашэнка адзначыў, што ў гэтым не трэба бачыць нейкую канспіралогію. Ён звярнуў увагу, што Іран ведаў, дзе знаходзяцца амерыканскія склады ўзбраенняў і мог паразіць гэтыя цэлі.
"Прывезлі вы там некалькі соцень ракет на авіяносцах, іншых караблях да іранскіх берагоў. Або ж у вас там на базах размешчана пэўная зброя. Гэта так, што тут здзіўляцца, - канстатаваў кіраўнік дзяржавы. - Іран ведаў усе вашы кропкі, усе вашы склады ўзбраенняў у суседніх краінах Персідскага заліва: у Эміратах, Катары, Кувейце і гэтак далей. Дзе ў вас яшчэ? У Саудаўскай Аравіі былі базы. Яны прыстраляны былі, калі па-ваеннаму гаварыць, іранцамі".
Пры гэтым Прэзідэнт выказаў упэўненасць, што калі б у Ірана была зброя, супастаўная па магутнасці з амерыканскай, ён мог бы як мінімум сцерці з зямлі Ізраіль: "У іх (іранцаў. - Заўвага БЕЛТА), вядома, узровень меншы, але ненамнога. Беспілотнікі былі, ракеты былі пэўнай далёкасці, нават да 4 тыс. км".
Кіраўнік дзяржавы дадаў, што Іран схаваў сваю зброю ў гарах і месцы захоўвання аказаліся недасягальныя для амерыканскіх ракет. Калі ЗША пачало здавацца, што яны перамаглі, Іран стаў наносіць удары ракетамі і тысячамі беспілотнікаў. "Нават "Залаты купал" (сістэма проціракетнай абароны. - Заўвага БЕЛТА) Ізраіля справіцца з гэтым не мог. Не кажучы ўжо аб амерыканскіх базах, якія былі ў Персідскім заліве, аб вашых караблях, якія прывезлі туды гэтыя ракеты і выкарыстоўвалі іх", - падкрэсліў Аляксандр Лукашэнка.
Ён звярнуў увагу, што ЗША знішчылі ў Іране школы, музеі, аб'екты культуры, жылыя дамы, асобныя электрастанцыі, нафтавыя промыслы, а таксама забілі кіраўніцтва краіны. Тым не менш гэта не стала катастрофай для Ірана, які змог нанесці ўдар у адказ.
"Вы забілі кіраўніцтва Ірана, і гэта вам адгукнецца. Пасля Венесуэлы вы паказалі сваё аблічча. Забілі - ну і што далей? На месца кіраўнікоў забітых прыйшлі іншыя, больш радыкальныя. Тое, што вы разбурылі дом у адным квартале... Людзі сяк-так - цёплая краіна - у палатках перасяліліся кудысьці і жывуць. Тое, што вы забілі дзяцей, вас не ўпрыгожвае. Іх ужо не вернеш. Але гэта не катастрофа для Ірана. І яны сваімі беспілотнікамі, якія, можа, крыху горшыя за амерыканскія, а недзе ім не ўступаюць, сваімі "Шахедамі" нанеслі адпаведны ўдар", - рэзюмаваў Аляксандр Лукашэнка.-0-
Падпісвайцеся на нас у
