29 кастрычніка, Мінск /Кар. БЕЛТА/. Беларусь і Санкт-Пецярбург за пяць гадоў павялічылі тавараабарот прамысловых тавараў больш як у тры разы. Аб гэтым заявіў прэм'ер-міністр Беларусі Аляксандр Турчын у час пасяджэння Савета дзелавога супрацоўніцтва Беларусі і Санкт-Пецярбурга, паведамляе карэспандэнт БЕЛТА.
За пяць гадоў тавараабарот прамысловых тавараў павялічыўся больш як у тры разы. Ёмістасць рынку Санкт-Пецярбурга і прапанаванне, якое пастаянна пашыраецца, з беларускага боку даюць магчымасць падтрымліваць дынаміку росту паставак беларускіх прамысловых тавараў", - сказаў Аляксандр Турчын.
Ён таксама пералічыў шэраг напрамкаў, якія будуць садзейнічаць развіццю супрацоўніцтва з партнёрамі з Санкт-Пецярбурга. "Сёння дадзены старт будаўніцтву Цэнтра беларускай тэхнікі. Задача цэнтра - стаць дадатковым драйверам росту паставак беларускай тэхнікі розных мадыфікацый для патрэб не толькі Санкт-Пецярбурга, але і ўсёй Паўночна-Заходняй акругі. Нам трэба прыкласці ўсе намаганні, каб пабудаваць гэты цэнтр у максімальна сціслыя тэрміны. Дарожнай картай яны вызначаны, але мне здаецца, што мы маглі б узяць на сябе павышаныя абавязацельствы і ў бліжэйшы час адкрыць гэты выдатны цэнтр, які будзе карысны як для беларускага боку, так і для Санкт-Пецярбурга", - адзначыў прэм'ер-міністр.
Другі напрамак - стварэнне зборачных вытворчасцей тэхнікі на тэрыторыі горада. "У высокай ступені прапрацоўкі пытанне арганізацыі вытворчасці спецыяльных пажарных машын "Пажснаба" і пасажырскай тэхнікі "Белкамунмаша". Сумеснае прадпрыемства па вытворчасці ліфтавага абсталявання таксама мае намер пашырыць аб'ёмы вытворчасці і наменклатуру прадукцыі", - абазначыў кіраўнік беларускага ўрада.
Трэці напрамак - заключэнне доўгатэрміновых, у тым ліку афсетных кантрактаў. "Розныя ўзоры беларускай тэхнікі (грузавой, пасажырскай, спецыяльнай) праходзяць выпрабаванні на прадпрыемствах Санкт-Пецярбурга. Пры неабходнасці вытворцы ажыццявяць адпаведныя дапрацоўкі. Сёння ў нашага вытворцы ўжо ёсць канкрэтныя прапановы па набыцці будынкаў для арганізацыі вытворчасці пажарнай тэхнікі і прапрацоўкі заключэння афсетнага кантракта", - праінфармаваў Аляксандр Турчын.
Перспектыўнай для развіцця супрацоўніцтва Беларусі і Санкт-Пецярбурга з'яўляецца і сфера АПК. "Беларускія прадукты харчавання карыстаюцца попытам і, па вялікім рахунку, з'яўляюцца адным з асноўных артыкулаў нашага экспарту. Таму на сённяшні дзень у горадзе створана разгалінаваная інфраструктура збыту беларускай харчовай і сельгаспрадукцыі, якая ўключае ў сябе як самастойныя гандлёвыя кропкі, так і работу з сеткамі", - падкрэсліў прэм'ер-міністр.
"Санкт-Пецярбург за кошт развітога транспартна-лагістычнага складніка выступае своеасаблівай артэрыяй для паставак беларускіх прадуктаў харчавання ў расійскія рэгіёны. Гэта выгадна нам, выгадна і Санкт-Пецярбургу. Гаворачы пра лагістыку, не магу не адзначыць важны для абодвух бакоў праект аснашчэння беларускага грузавога тэрмінала ў порце Бронка. Ідзе рост перавалкі грузаў. Па меры аснашчэння да 20 млн т у год будуць яе аб'ёмы. Роля Санкт-Пецярбурга ў лагістыцы для нашай краіны ў сувязі з гэтым будзе толькі ўзрастаць. І яшчэ адзін перспектыўны напрамак - медыцына і фармацэўтыка. У гэтым напрамку дакладна неабходна ўзмацніць нашу работу, тут ёсць значны нераскрыты патэнцыял", - зрабіў акцэнт кіраўнік беларускага ўрада.
Аляксандр Турчын і губернатар Санкт-Пецярбурга Аляксандр Бяглоў падпісалі сёння дарожную карту па рэалізацыі першага этапу праекта стварэння аб'екта культурнай дзейнасці "Цэнтр беларускай тэхнікі".-0-
За пяць гадоў тавараабарот прамысловых тавараў павялічыўся больш як у тры разы. Ёмістасць рынку Санкт-Пецярбурга і прапанаванне, якое пастаянна пашыраецца, з беларускага боку даюць магчымасць падтрымліваць дынаміку росту паставак беларускіх прамысловых тавараў", - сказаў Аляксандр Турчын.
Ён таксама пералічыў шэраг напрамкаў, якія будуць садзейнічаць развіццю супрацоўніцтва з партнёрамі з Санкт-Пецярбурга. "Сёння дадзены старт будаўніцтву Цэнтра беларускай тэхнікі. Задача цэнтра - стаць дадатковым драйверам росту паставак беларускай тэхнікі розных мадыфікацый для патрэб не толькі Санкт-Пецярбурга, але і ўсёй Паўночна-Заходняй акругі. Нам трэба прыкласці ўсе намаганні, каб пабудаваць гэты цэнтр у максімальна сціслыя тэрміны. Дарожнай картай яны вызначаны, але мне здаецца, што мы маглі б узяць на сябе павышаныя абавязацельствы і ў бліжэйшы час адкрыць гэты выдатны цэнтр, які будзе карысны як для беларускага боку, так і для Санкт-Пецярбурга", - адзначыў прэм'ер-міністр.
Другі напрамак - стварэнне зборачных вытворчасцей тэхнікі на тэрыторыі горада. "У высокай ступені прапрацоўкі пытанне арганізацыі вытворчасці спецыяльных пажарных машын "Пажснаба" і пасажырскай тэхнікі "Белкамунмаша". Сумеснае прадпрыемства па вытворчасці ліфтавага абсталявання таксама мае намер пашырыць аб'ёмы вытворчасці і наменклатуру прадукцыі", - абазначыў кіраўнік беларускага ўрада.
Трэці напрамак - заключэнне доўгатэрміновых, у тым ліку афсетных кантрактаў. "Розныя ўзоры беларускай тэхнікі (грузавой, пасажырскай, спецыяльнай) праходзяць выпрабаванні на прадпрыемствах Санкт-Пецярбурга. Пры неабходнасці вытворцы ажыццявяць адпаведныя дапрацоўкі. Сёння ў нашага вытворцы ўжо ёсць канкрэтныя прапановы па набыцці будынкаў для арганізацыі вытворчасці пажарнай тэхнікі і прапрацоўкі заключэння афсетнага кантракта", - праінфармаваў Аляксандр Турчын.
Перспектыўнай для развіцця супрацоўніцтва Беларусі і Санкт-Пецярбурга з'яўляецца і сфера АПК. "Беларускія прадукты харчавання карыстаюцца попытам і, па вялікім рахунку, з'яўляюцца адным з асноўных артыкулаў нашага экспарту. Таму на сённяшні дзень у горадзе створана разгалінаваная інфраструктура збыту беларускай харчовай і сельгаспрадукцыі, якая ўключае ў сябе як самастойныя гандлёвыя кропкі, так і работу з сеткамі", - падкрэсліў прэм'ер-міністр.
"Санкт-Пецярбург за кошт развітога транспартна-лагістычнага складніка выступае своеасаблівай артэрыяй для паставак беларускіх прадуктаў харчавання ў расійскія рэгіёны. Гэта выгадна нам, выгадна і Санкт-Пецярбургу. Гаворачы пра лагістыку, не магу не адзначыць важны для абодвух бакоў праект аснашчэння беларускага грузавога тэрмінала ў порце Бронка. Ідзе рост перавалкі грузаў. Па меры аснашчэння да 20 млн т у год будуць яе аб'ёмы. Роля Санкт-Пецярбурга ў лагістыцы для нашай краіны ў сувязі з гэтым будзе толькі ўзрастаць. І яшчэ адзін перспектыўны напрамак - медыцына і фармацэўтыка. У гэтым напрамку дакладна неабходна ўзмацніць нашу работу, тут ёсць значны нераскрыты патэнцыял", - зрабіў акцэнт кіраўнік беларускага ўрада.
Аляксандр Турчын і губернатар Санкт-Пецярбурга Аляксандр Бяглоў падпісалі сёння дарожную карту па рэалізацыі першага этапу праекта стварэння аб'екта культурнай дзейнасці "Цэнтр беларускай тэхнікі".-0-
Падпісвайцеся на нас у
