20 мая, Мінскі раён /Кар. БЕЛТА/. Як Беларускі дзяржаўны музей народнай архітэктуры і побыту прыцягвае турыстаў, расказаў дырэктар установы Сяргей Усік у час семінара Нацыянальнага агенцтва па турызме "Прэзентацыя турыстычных аб'ектаў Мінска і Мінскага раёна", перадае карэспандэнт БЕЛТА.
Як адзначыў Сяргей Усік, адзін з запатрабаваных напрамкаў - падзейны турызм. У гэтым годзе цікавую праграму наведвальнікам прапанавалі ў "Ноч музеяў", што прывабіла вялікую колькасць гасцей. Таксама правялі фестываль блогераў, прымеркаваны да Года беларускай жанчыны. Пачалі падрыхтоўку да чарговай маштабнай падзеі - да святкавання Купалля. Тут арганізуюць фудкорты, гарадок рамеснікаў, майстар-класы, выступленні артыстаў. Будуць традыцыйнае купальскае вогнішча, варажба, запуск у ваду вянкоў.
Вельмі ярка таксама праходзіць Масленіца, Каляды.
"Стараемся ўкараняць новыя фарматы, каб нашы госці атрымалі максімум эмоцый", - адзначыў Сяргей Усік.
Удзельнікам семінара прадэманстравалі рэканструкцыю аднаго з абрадаў - свята "Юр'я", якое адзначалася ў гонар апекуна жывёл, жывёлагадоўлі і земляробства. Таксама іх запрасілі паўдзельнічаць у танцавальным майстар-класе і інтэрактыўных народных забавах, правялі экскурсію па экспазіцыі. Адбыўся паказ мод.
У гэтым годзе музей святкуе 50-годдзе з моманту стварэння. Як падкрэсліў Сяргей Усік, супрацоўнікі гатовы ісці насустрач пажаданням турыстаў і прыстасоўвацца пад запыты турфірм.
Арыентуюцца тут і на экскурсіі для груп школьнікаў, правядзенне сямейнага вольнага часу. Арганізавана восем зон адпачынку. Іх прадоўжаць добраўпарадкоўваць.
Акрамя таго, паводле слоў Сяргея Усіка, патэнцыял для развіцця турызму мае археалагічны комплекс на Менцы. Ён размешчаны недалёка ад Беларускага дзяржаўнага музея народнай архітэктуры і побыту.
Па выніках семінара прадстаўнікі сферы турызму выказалі свае прапановы, якія пасадзейнічалі б росту папулярнасці аб'екта і ўключэнню яго ў турыстычныя маршруты. Адна з іх - фарміраванне падзейнага календара ў больш ранні тэрмін.
Музей належыць да тыпу музеяў-скансэнаў і займае 151 га. Тут сабраны помнікі драўлянага дойлідства з усёй Беларусі. Экспазіцыйная зона музея прадстаўлена сектарам "Цэнтральная Беларусь", фрагментарна створанымі сектарамі "Паазер'е" і "Падняпроўе". Кожны з іх прэзентуе рэгіянальныя асаблівасці народнай архітэктуры, побыту, рамёстваў, заняткаў і прыродна-ландшафтных умоў.
Тэрыторыя прадаўжае забудоўвацца. Адна з новых лакацый - хутар Цімошкава.-0-
Як адзначыў Сяргей Усік, адзін з запатрабаваных напрамкаў - падзейны турызм. У гэтым годзе цікавую праграму наведвальнікам прапанавалі ў "Ноч музеяў", што прывабіла вялікую колькасць гасцей. Таксама правялі фестываль блогераў, прымеркаваны да Года беларускай жанчыны. Пачалі падрыхтоўку да чарговай маштабнай падзеі - да святкавання Купалля. Тут арганізуюць фудкорты, гарадок рамеснікаў, майстар-класы, выступленні артыстаў. Будуць традыцыйнае купальскае вогнішча, варажба, запуск у ваду вянкоў.
Вельмі ярка таксама праходзіць Масленіца, Каляды."Стараемся ўкараняць новыя фарматы, каб нашы госці атрымалі максімум эмоцый", - адзначыў Сяргей Усік.
Удзельнікам семінара прадэманстравалі рэканструкцыю аднаго з абрадаў - свята "Юр'я", якое адзначалася ў гонар апекуна жывёл, жывёлагадоўлі і земляробства. Таксама іх запрасілі паўдзельнічаць у танцавальным майстар-класе і інтэрактыўных народных забавах, правялі экскурсію па экспазіцыі. Адбыўся паказ мод.
У гэтым годзе музей святкуе 50-годдзе з моманту стварэння. Як падкрэсліў Сяргей Усік, супрацоўнікі гатовы ісці насустрач пажаданням турыстаў і прыстасоўвацца пад запыты турфірм.
Арыентуюцца тут і на экскурсіі для груп школьнікаў, правядзенне сямейнага вольнага часу. Арганізавана восем зон адпачынку. Іх прадоўжаць добраўпарадкоўваць.
Акрамя таго, паводле слоў Сяргея Усіка, патэнцыял для развіцця турызму мае археалагічны комплекс на Менцы. Ён размешчаны недалёка ад Беларускага дзяржаўнага музея народнай архітэктуры і побыту.
Па выніках семінара прадстаўнікі сферы турызму выказалі свае прапановы, якія пасадзейнічалі б росту папулярнасці аб'екта і ўключэнню яго ў турыстычныя маршруты. Адна з іх - фарміраванне падзейнага календара ў больш ранні тэрмін.
Музей належыць да тыпу музеяў-скансэнаў і займае 151 га. Тут сабраны помнікі драўлянага дойлідства з усёй Беларусі. Экспазіцыйная зона музея прадстаўлена сектарам "Цэнтральная Беларусь", фрагментарна створанымі сектарамі "Паазер'е" і "Падняпроўе". Кожны з іх прэзентуе рэгіянальныя асаблівасці народнай архітэктуры, побыту, рамёстваў, заняткаў і прыродна-ландшафтных умоў.
Тэрыторыя прадаўжае забудоўвацца. Адна з новых лакацый - хутар Цімошкава.-0-
Падпісвайцеся на нас у
